Memleket basshysynyń tapsyrmasy boıynsha Qazaqstan Respýblıkasynyń Sybaılas jemqorlyqqa qarsy is-qımyl agenttigi Almaty ákimdigimen birlesip ákimdiktiń, sáýlet jáne qurylys salasyndaǵy qurylymdyq bólimshelerdiń qyzmetindegi sybaılas jemqorlyq táýekelderine syrtqy taldaý júrgizdi, dep habarlaıdy almaty-akshamy.kz
Taldaý yqtımal sybaılas jemqorlyq táýekelderine ákeletin zańnamadaǵy qaıshylyqtardy kórsetti. Negizgi sybaılas jemqorlyq táýekelderi qala qurylysy qujattamasynyń jer ýchaskeleriniń nysanaly maqsattarynyń sáıkes kelmeýimen, qurylys obektileriniń kelisilgen jobalaý aldyndaǵy qujattamadan aýytqýymen (jalpy alańnyń, qabattyń artýy), tıimsiz ákimshilik baqylaýmen jáne t. b. baılanysty.
Taý bókterinde qurylys salý problemalary boıynsha búginde 52 zańsyz obekt anyqtaldy, olar boıynsha shuǵyl ákimshilik sharalar qabyldandy (bastapqy qujattardy buzý jáne joıý týraly sot isi qozǵaldy, kináli adamdar jaýapqa tartyldy). Qoldanystaǵy normatıvtik-quqyqtyq bazada «núkteli qurylys salý» sebebi boıynsha jobalaý aldyndaǵy qujattamany berýden bas tartýǵa negiz joq. Osyǵan baılanysty, Almaty ákimdigi «QR-daǵy sáýlet, qala qurylysy jáne qurylys qyzmeti týraly» QR Zańyna birqatar túzetýler engizýge, atap aıtqanda, qalanyń ortalyq bóliginiń shekarasy sheginde «núktelik qurylysqa» tyıym salýdy engizýge, qala qurylysy qujattamasyn túzetý úshin moratorıı engizýge jáne egjeı-tegjeıli josparlaý jobasyna ózgerister/tolyqtyrýlar engizýge bastamashylyq jasady jylyna eki ret, jobalyq qujattamany paıdalanýǵa berý aktilerimen tıisinshe salystyryp teksermegeni úshin jaýapkershilikti belgileý, «baý-baq úıi» uǵymy men parametrlerin aıqyndaý, memlekettik qurylys ınspektoryna adamdardyń ómirine jáne (nemese) densaýlyǵyna, olardyń múlkine qaýip tóngen jaǵdaıda qurylys salasyndaǵy qyzmetti toqtata turý túrinde jedel sharalardy qoldanýǵa quqyq beriletin «shuǵyl den qoıý» uǵymyn aıqyndaý.
«Qazaqstan Respýblıkasynyń keıbir zańnamalyq aktilerine jer qatynastary salasyndaǵy memlekettik qyzmetterdi sıfrlandyrý máseleleri boıynsha ózgerister men tolyqtyrýlar engizý týraly» Zańǵa sáıkes Almaty qalasynyń ákimdigi jer komısıasy ınstıtýtyn taratady. Barlyq qala qurylysy reglamentteri, jer ýchaskeleri jáne ınjenerlik jelilerdiń qoljetimdiligi týraly aqparat qalanyń sıfrlyq kartasyna engizilgen jáne bıznes pen halyq úshin ashyq qoljetimdi bolady.
2022 jylǵy maýsymda ekologıalyq jaǵdaıdyń nasharlaýyna jol bermeý maqsatynda Almaty qalasy máslıhatynyń «Almaty qalasy aýmaǵynyń fýnksıonaldyq aımaqtaryn salýdyń qala qurylysy reglamentterin iske asyrý josparyn bekitý týraly» sheshimine ózgerister engizildi, bul qurylys obektileriniń qabattylyǵyn shekteýge jáne tik betkeılerde 15 gradýstan astam qurylysqa tyıym salýǵa múmkindik berdi.
2011-2014 jyldar aralyǵynda qala aýmaǵynyń aýdany 31,9 myń gektardan 68,3 myń gektarǵa deıin eki eseden astam ulǵaıtyldy, bul rette Almaty qalasynyń burynǵy Bas jospary 2011 jyly ózektiligin joǵaltty. QR Úkimeti 2023 jylǵy mamyrda bekitken Almaty qalasynyń 2040 jylǵa deıingi jańa Bas josparynda taý bókterindegi barlyq bos jerler qurylys salý qarastyrylmaǵan rekreasıalyq aımaqtarǵa aýystyryldy.
Osylaısha, sońǵy jyldary Almaty ákimdiginiń jumysyndaǵy kóptegen sybaılas jemqorlyq táýekelderi qoldanystaǵy zańnamaǵa ózgerister engizý arqyly joıyldy. Sáýlet, qurylys jáne jer qatynastary salalaryndaǵy zańnamany jetildirý jáne quqyqtyq qaıshylyqtardy boldyrmaý baǵytyndaǵy jumys jalǵasatyn bolady.