Atalmysh jarysqa 12 myńǵa jýyq qazaqstandyq qatysty.
Týrnıkte tartylý boıynsha Tartyl Fest sport festıvaliniń irikteý týrnıri aıaqtaldy, dep habarlaıdy Almaty-akshamy.kz.
Jarys 10 shildeden bastap ár óńirde ótkizildi. İrikteý kezeńiniń jalpy júlde qory – 63 mıllıon teńge. Búginde Tartyl Fest rekordy - 50.
«Tartyl Fest – bul úlken sport merekesi. Ol belsendi ómir saltyn nasıhattaýǵa baǵyttalǵan. Elimizdiń 12 myńǵa jýyq azamaty osyndaı aýqymdy jarysqa qyzyǵýshylyq tanytyp, qatysqany qýantady. Qazir kópshilik qaýym «jastarymyzdy pernetaqtadan julyp alý múmkin emes» deıdi, biraq osyndaı aýqymdy sporttyq oqıǵa ol pikirdi joqqa shyǵarady. Myna jarys - sonyń aıqyn dáleli», - dedi Dáýren Abaev.
Elimizdiń 20 qalasynyń árqaısysynda 9 sanatta 27 júldeger anyqtaldy. Birinshi oryn úshin qatysýshylar 200 myń teńge kóleminde aqshalaı syılyq aldy, ekinshi oryn úshin – 100 myń teńge, úshinshi oryn úshin – 50 myń teńge.
Endi barlyq jeńimpazdar qazan aıynda ótetin úlken fınalda kezdesedi jáne jarysta kim úzdik ekeni anyqtalady. Birinshi oryn úshin jeńimpaz birneshe mıllıon teńge alady.