Tarazda mas kúıde jolaýshylar tasymaldaǵan №17 baǵyttaǵy avtobýstyń júrgizýshisi ustaldy, - dep habarlaıdy Aqshamnews.kz Jambyl oblystyq Polısıa departamentine silteme jasap.
Oqıǵa "Qaýipsiz jol" jedel-aldyn alý is-sharasy barysynda anyqtaldy. Polıseıler kúdik týdyrǵan avtobýsty toqtatyp, tekseris júrgizgen.
Medısınalyq saraptama nátıjesinde 55 jastaǵy júrgizýshiniń mas kúıinde bolǵany rastaldy. Onyń ústinen QR ÁQBtK-niń 608-babynyń 1-bóligi boıynsha ákimshilik hattama toltyryldy. Sot sheshimimen ol 15 táýlikke ákimshilik qamaýǵa alynyp, 7 jyl merzimge júrgizýshi kýáliginen aıyryldy.
"Mas kúıde kólik júrgizý joldaǵy qaýipsizdikke naqty qater tóndiredi jáne zań boıynsha qatań jaýapkershilikke ákeledi", – dep atap ótti polısıada.