Tanymal kásipker Aıdyn Rahymbaev óziniń kenje ulynyń áskerı qyzmetke attanǵanyn málimdedi.
Bul týraly kásipker Instagram paraqshasynda jazyp, ulynyń ant qabyldaý sátinen sýret bólisti, dep habarlaıdy Aqshamnews.kz.
Bıznesmenniń aıtýynsha, kishi uly birneshe fızıkalyq daıyndyqtan ótip, desanttyq-shabýyldaýshy bólimge túsken.
Ulym Otan aldyndaǵy boryshyn óteýge ketti. Endi ol elimizdiń, demek, bizdiń otbasymyzdyń qorǵaýshysy. Alty aı buryn ol King’s College London ýnıversıtetine IT mamandyǵy boıynsha oqýǵa túsken edi. Biz aldyn ala keliskenbiz: eger oqý men ásker máselesi qatar kelse, ol eshqandaı jeńildiksiz, ózge jastar sıaqty boryshyn óteıdi. Sol sát keldi, jáne ol bul sheshimdi er jigitke laıyq qabyldady. Bul mańyzdy sátte qasynda anasy men qaryndasy boldy. Áskerı boryshyn ótegen soń oqýyn jalǵastyrady, biraq endi ómirlik tájirıbesi men rýhy myqty azamat retinde, - dep jazdy Rahymbaev.
Jalpy sońǵy jyldary elge tanymal tulǵalardyń uldary ákerge barý faktisi jıi tirkelip júr. Máselen osydan eki jyl buryn, tanymal telejúrgizýshi Dınara Sátjan da ulynyń ásker qataryna qabyldanyp jatqanyn áleýmettik jelisi arqyly jarıalaǵan edi.