Memleket basshysy Atyraýda ótken III Ulttyq quryltaıda: «Shyn máninde, ozyq oıly ult bolýdyń eń tóte joly – kitap oqý. Sondyqtan kitap oqý mádenıetin qoǵamda barynsha ornyqtyrýymyz kerek»,- degen edi.
Quryltai.kz dereginshe, Prezıdent tapsyrmasyna sáıkes, bıyl alǵash ret 23 sáýir – Ulttyq kitap kúni bolyp atap ótildi. Osy merekede qazaq ádebıetin keńinen nasıhattaýdy kózdeıtin jańa joba – «100 kitap» saýalnamasy bastalyp, Abaı kúni qarsanynda aıaqtaldy. Saýalnama eGov.kz portalynda júrgizildi.
.jpg)
Búgin jobanyń qorytyndy is-sharasy ótip, oǵan qoǵam qaıratkerleri men zıaly qaýym ókilderi qatysty. Jınalǵandar bul bastamanyń el rýhanıaty úshin aıryqsha mańyzdy qadam bolǵanyn atap ótti.
3 aıǵa sozylǵan saýalnamaǵa 100 myńnan astam adam qatysyp, óz tańdaýyn jasady. Bastamaǵa belgili qalamgerler men sarapshylar da atsalysyp, daýys berdi.
Jıynǵa qatysqandardyń pikiri boıynsha, bul joba qazaq ádebıetin nasıhattaýǵa yqpal etip qana qoımaı, kitap óndirisine de, kitaphana isine de sony serpin beredi.
Qorytyndy tizimge klasıkalyq shyǵarmalardan bastap, qazirgi zaman avtorlarynyń da týyndylary endi. Tizim quramyna kórkem ádebı roman men povester, óleń jınaqtary kirdi.
Tolyq tizim Ulttyq quryltaıdyń resmı saıtynda jarıalandy. Bul joba endi turaqty túrde jalǵasyp, tizim jańartylyp otyrady.
«100 kitap» jobasy – ultymyzdyń bolmysyn aıshyqtaıtyn, qalyń oqyrmannyń ádebı talǵamyn qalyptastyratyn, keler urpaqqa rýhanı baǵyt-baǵdar bolatyn mańyzdy qadam.
