Baraholka saýda oryndarda órtterge áreket etý sharalary kúsheıtildi.
Esterińizge sala keteıik, 24 shildede Almaty qalasynyń ákimi Darhan Satybaldy Soltústik aınalym boıyndaǵy saýda oryndarynda órtke qarsy sharalardy kúsheıtýdi tapsyrǵan bolatyn.
«Jaǵdaı ózgermese, nátıje bolmasa, qatań sharalar qoldanylýy tıis», – dep atap ótken qala basshysy.
2025 jylǵy 11 tamyz kúni saǵat 07:34-te «112» púltine Almaty qalasyndaǵy «Ushqonyr» bazarynda (Soltústik sheńber kóshesi, 122 meken-jaıy) órt shyqqany týraly habar kelip tústi. TJD kúshteri joǵary deńgeıdegi shaqyrtý boıynsha dereý baǵyttaldy.
Oqıǵa ornyna kelgende: asqana órtenip, jalyn eki 20 tonna konteınerge taraǵany anyqtaldy. Jalpy órt aýmaǵy 70 sharshy metrdi qurady. TJD qyzmetkerleriniń úılesimdi áreketi arqasynda órt 08:03-te tolyǵymen sóndirildi.
Órt sóndirý kezinde drondar qoldanylyp, órt oshaqtary men joǵary temperatýraly jerler anyqtaldy.
Qabyldanǵan sharalar arqasynda órttiń ári qaraı taralýy toqtatylyp, kásipkerlerdiń múlki saqtaldy. Sonymen qatar, eki 25 lıtrlik gaz balony evakýasıalanyp, salqyndatyldy.
Zardap shekkender joq. Órttiń sebebi anyqtalýda.
Órt sóndirýge 51 qyzmetker men 13 tehnıka birligi jumyldyryldy.