Tamyzda Qazaqstan turǵyndary Konstıtýsıa kúnine oraı qosymsha bir kún demalady. Budan basqa jazdyń sońǵy aıynda qandaı merekeler bar? Tolyǵyraq aqshamnews.kz materıalynda.
Konstıtýsıa kúni – Qazaqstandaǵy mańyzdy memlekettik merekelerdiń biri. Bul kúni el 1995 jyly qabyldanǵan, memlekettiń quqyqtyq jáne saıası negizderin aıqyndaıtyn basty zańnyń qabyldanýyn atap ótedi. Konstıtýsıa kúni jyl saıyn 30 tamyzda toılanady.
2025 jyly Konstıtýsıa kúnine oraı qazaqstandyqtar qalaı demalady?
Bes kúndik jumys aptasyndaǵylar úshin:
Aptasyna bes kún jumys isteıtinder Konstıtýsıa kúni qosymsha bir kún demalady. 2025 jyly 30 tamyz senbige túsip tur, sondyqtan "Merekeler týraly" zańǵa sáıkes, demalys kúni 1 qyrkúıek dúısenbige aýystyrylady.
Osylaısha, aptasyna bes kún jumys isteıtinderge tamyzda 10 demalys kúni bolady. Demalys kúnderiniń kestesi mynadaı:
-
30, 31 tamyz jáne 1 qyrkúıek – demalys kúnderi.
Alty kúndik jumys aptasyndaǵylar úshin:
Alty kún jumys isteıtinder de 30 tamyzda qosymsha demalady. Demalys kestesi:
-
30 jáne 31 tamyz – demalys,
-
1 qyrkúıek – jumys kúni.
Alty kúndik kestemen jumys isteıtinder tamyzda 6 kún demalady.
Konstıtýsıa kúnin qalaı atap ótedi?
Bul kúni elimizde túrli saltanatty sharalar, konsertter men kórmeler ótedi. Qazaqstan tarıhy men mádenıetine arnalǵan is-sharalarǵa halyq belsendi qatysady. Sonymen qatar fleshmobtar men aksıalar uıymdastyrylady. Tamyzdaǵy qosymsha demalys kúnderi – otbasymen ýaqyt ótkizýge, mádenı is-sharalarǵa qatysýǵa jáne merekeniń atmosferasyn sezinýge tamasha múmkindik.
Tamyz aıyndaǵy basqa da mańyzdy kúnder:
-
3 tamyz (tamyzdyń alǵashqy jeksenbisi) – Kólik qyzmetkerleri kúni
-
10 tamyz – Abaı kúni
-
10 tamyz (tamyzdyń ekinshi jeksenbisi) – Qurylysshylar kúni
-
18 tamyz – Shekara qyzmetkerleri kúni
-
18 tamyz – Sport kúni
-
29 tamyz – Semeı ıadrolyq synaq polıgonynyń jabylý kúni
-
31 tamyz (tamyzdyń sońǵy jeksenbisi) – Kenshiler kúni