Qazaqstannyń Ortalyq saılaý komısıasy Talǵar qalasynyń ákimi saılaýy 15 jeltoqsanda ótetinin jarıalady. Osy kúni birneshe óńirde aýyldyq okrýg ákimderiniń saılaýy da uıymdastyrylady.
Qostanaı oblysynda turǵyndar Amanqaraǵaı aýdanynyń Novonejın aýyldyq okrýginiń, Jitiqara aýdanynyń Prıgorodnyı aýylynyń, Qostanaı aýdanynyń Belozer aýyldyq okrýginiń, sondaı-aq Sarykól aýdanynyń Sevastopol aýyldyq okrýgi men Maıak aýylynyń jańa ákimderin saılaıtyn bolady.
Ulytaý oblysynda saılaý Ulytaý aýdanynyń Alǵabas, Egindi, Mıbulaq jáne Sheńber aýyldyq okrýgterinde ótedi.
Eske sala keteıik, Talǵar ákimi Baqyt Kúnishbekov pen onyń orynbasary Máten Saǵyndyq óz mindetterin tıisinshe oryndamaǵany úshin qyzmetterinen bosatylǵan edi.
Olardy Sherzat Polattyń jaǵa ustatarlyq óliminen keıin qyzmetterinen alyp tastady. Bul oqıǵa búkil Qazaqstandy dúrliktirip, Talǵar turǵyndarynyń narazylyǵyn týdyrdy, olardyń kópshiligi 90-jyldardaǵydaı qaıǵyly jaǵdaılardyń qaıtalanýynan qorqady.