Taldyqorǵan qalasyndaǵy «Jastar» sport saraıynda BAQ ókilderi arasynda shaǵyn fýtboldan belgili jýrnalıs, qoǵam qaıratkeri Beısen Quranbekti eske alýǵa arnalǵan týrnır ótti, dep habarlaıdy Almaty-akshamy.kz 7kun.kz-ke silteme jasap.
Týrnırdiń saltanatty ashylýyna Beısen Quranbektiń jaqyn týystary, Jetisý oblysy ákiminiń orynbasary Rýstam Álı, «Jetisý» TRK bas dırektory Serik Ábikenuly, MediaLab komýnıkasıa agenttiginiń dırektory Rıshat Asqarbekuly, Taldyqorǵan qalalyq ákimdigi ókilderi qatysyp, sóz sóıledi.
«Jetisý» telearnasy men «Jetisý» gazeti, jáne Janr ádebı klýby uıymdastyrǵan týrnırge Astana, Almaty, Taraz, Shymkent, Óskemen, Taldyqorǵan qalalarynan kelgen 8 komanda qatysty.
Týrnır qorytyndysy boıynsha tómendegi komandalar jeńimpaz boldy:
1 oryn — «Ekspress-K» komandasy
2-oryn — «Qareket» komandasy
3-oryn — «Habar — Astana» komandasy
4-oryn — «Taraz-press» komandasy
Sonymen qatar «Almaty» quramasyna Jumataı Jaqypbaev atyndaǵy, «Shyǵys Aqparat» quramasyna Nurtileý Imanǵalıuly atyndaǵy arnaıy syılyq tapsyryldy.
Bıylǵy týrnırge Jetisý oblysynyń ákimdigi men «Medialab» komýnıkasıa agenttigi jáne Kóksý aýdanynyń ákimdigi demeýshilik jasady.