Solardyń ishinde Dinmuhammed Ahmetuly mingen «Chaıka» avtokóliginiń orny bólek
Bul jerde ótken ǵasyrda shyǵarylǵan 50-den astam avtomobıl, ondaǵan motosıkl men júzdegen turmystyq buıym jınalǵan, dep habarlaıdy Almaty-akshamy.kz «Habar 24» telearnasyna silteme jasap.
Ár zat keshegi kúnnen syr shertedi. Sheber qurastyrýshylardyń arqasynda kóne avtokólikter jóndelip, árlenip-syrlandy. Solardyń ishinde Dinmuhammed Ahmetuly mingen «Chaıka» avtokóliginiń orny bólek.
Retroavto murajaıynda negizinen ótken ǵasyrdyń 40-80 jyldary Keńes odaǵy men shet elderde shyǵyrylǵan kólikter bar. Sonyń ishinde motosıklder, velosıped pen arnaıy tehnıkany da kóresiz. Sondaı aq mýzeıde álemde sırek kezdesetin retrokólikterdi tamashalap, tarıhymen tanysýǵa bolady.
Qazir áınegi jyltyrap, shamdary jarqyrap turǵankólikter dál osy qalpynda bolmaǵan. Olar elimizdiń ár aımaǵynan ákelinip, qaıta jasaldy. Eski mashınalarǵa jańa bólshekter salynyp, salony bylǵary men brezentpen qaptaldy. Máselen «Gaz-20» markaly kóligi Gorkıı atyndaǵy zaýyttan 1946-1958 jyldar aralyǵynda shyǵaryldy. Qazir bul naǵyz rarıret. Al, Dımash Ahmetulynyń «Chaıka Gaz-14» temir tulparynyń uzyndyǵy 6 jarym metrden asady.
Bul avtokólikti Dımash Ahmetuly 1983-84 jyldary Almatyda mindi. Keıin «Chaıka» jeke qolǵa ótip, kóp jyl qaraýsyz qaldy. 8 jyl buryn Muratbek Amantaıuly kólikti satyp alyp qalpyna keltirdi. Jańadan syrlap, qosalqy bólshekterin salyp, jańalady.
«Chaıka» jolǵa jıi shyǵa bermeıdi. Ony tek mereke kúnderi ǵana júrgizedi. Jalpy salondaǵy barlyq kólik júriske jaramdy. Ótken saılaý kúni qala kóshelerimen onshaqty retrokólik júrip ótti. Árqaısynyń baǵasy qymbat. Biraq, satylmaıdy. Al «Chaıka» 8 jylda qalpyna keltirilipti.
«Alǵashqy saparymyzdy Dinmuhammed Ahmetulynyń týǵan jeri Baqanas aýylyna jasadyq. Barys-kelis qashyqtyǵy300 shaqyrym boldy. Kólikti qalpyna keltirýge uzaq ýaqyt ketti»,- dedi retro-salon dırektory Muratbek Sirgebaev.
Salon dırektory Muratbek Amantaıuly bul iske jan-tánimen berilgen adam. Ár kóliktiń shyǵý tarıhy, jóndeý jumystary týraly jalyqpaı áńgime aıtýǵa bar. Aldaǵy ýaqytta salondy keńeıtip, retro kóliktermen tolyqtyrmaq. Buǵan qosa mýrajaıda Keńes odaǵy kezinde halyq qoldanǵan turmystyq zattar, mýzykalyq aspaptar men san-alýan buıymdar qoıylǵan.