Taldyqorǵan qalasynda ekinshi deńgeıli bankterdiń birine tıesili bankomatty buzý áreketi jaıly 102 arnasyna habarlama kelip túsken.
Aqparat dereý tirkelip, tekserý jumystaryna polısıa qyzmetkerleri men jedel basqarý ortalyǵynyń mamandary jyldam áreket etti, - dep habarlaıdy Aqshamnews.kz Polisia.kz-ke silteme jasap.
Syrtqy beınebaqylaý kameralaryndaǵy jazbalardy taldaý barysynda JBO operatorlary tańsári ýaqytta kúdikti er adamnyń qolda bar quraldardy paıdalanyp, bankomatty zaqymdaýǵa tyrysqanyn anyqtady.
Shamamen jarty saǵat boıy ol qurylǵyny ashýǵa áreket jasaǵanymen, aqshaǵa qol jetkize almady. Odan ári tergeý jumystary kúdiktiniń qozǵalys baǵytyn anyqtaý arqyly sıfrlyq keńistikte jalǵasty. Qalalyq kameralar jelisi, sondaı-aq jeke turǵyn úıler men saýda nysandaryndaǵy beınebaqylaý júıelerin paıdalana otyryp, polıseıler er adamnyń quqyq buzýshylyqtan keıingi jolyn qalpyna keltirdi. İzdeý aıasy qaladaǵy birneshe jeke úıge deıin taryldy. Qajetti málimetter alynǵan soń, polısıa qyzmetkerleri jedel túrde oqıǵa ornyna shyǵyp, aýla-aýlany aralaý jumystaryn júrgizdi.
Nátıjesinde 45 jastaǵy kúdiktiniń júrgen jeri anyqtalyp, ol ustaldy. Ustalǵan sátte er adam alkogóldik mas kúıde bolǵan. Kúdiktiniń jeke basyn anyqtaý jáne ustaý úshin nebári birneshe kún qajet boldy. Qazirgi ýaqytta bankke keltirilgen materıaldyq shyǵyn kólemi baǵalanýda, sondaı-aq zańnama aıasynda qajetti tergeý áreketteri jalǵasyp jatyr.