Balyq sharuashylyǵy agroónerkásíptík keshenníń negízgí salalarynyń bírí jáne ekonomıkalyq ósímníń, jūmyspen qamtudyń árí eldíń azyq-túlík qauípsízdígín qamtamasyz etudegí mańyzdy sala, - dep habarlady Aqshamnews.kz.
2021–2030 jyldarǵa arnalǵan balyq sharuashylyǵyn damytu baǵdarlamasy ayasynda QR AShM Balyq sharuashylyǵy komıtetí balyq ósíru kólemín arttyruǵa, íshkí tūtynudy ūlǵaıtuǵa jáne su bıoresurstarynyń tabıǵı populyatsıyalaryn qalpyna keltíruge baǵyttalǵan keshendí sharalardy íske asyrylyp keledí.
2025 jyldyń 11 aıynyń qorytyndysy boıynsha Qazaqstan Respublıkasyndaǵy balyq ónímderí naryǵynyń kólemí 76,8 myń tonnaǵa jetíp, 2024 jyldyń osy kezeńímen salystyrǵanda 10%-ǵa óstí. Eseptí kezeńde 38,5 myń tonna balyq aulanyp, 20,9 myń tonna tauarlyq balyq ósíríldí. Aulanu kólemíníń 10%-dy, al akvasharuashylyq boıynsha ósím kólemí 22%-dy qūrap, salanyń qarqyndy damuyn kórsetíp otyr.
Qazírgí uaqytta Qazaqstanda halyqaralyq jáne respublıkalyq mańyzy bar 20 su aıdyny bar, olar 366 balyq sharuashylyǵy uchaskesíne bólíngen.
Balyqty óńdeumen jyldyq óndírístík quaty shamamen 120 myń tonnany qūraıtyn 72 kásíporyn aınalysady. Onyń íshínde 20 kásíporyn Europalyq odaq elderíne óním eksporttauǵa qūqyly. Qazaqstandyq balyq ónímderí Germanıya, Nıderlandy, Reseı jáne Qytaıdy qosa alǵanda, álemníń 21 elíne jetkízíledí. 2025 jyldyń 11 aıynda shamamen 59,4 myń tonna daıyn balyq ónímí óndíríldí. Óńdeu kólemín odan árí arttyru úshín qosylǵan qūn salyǵyn 70%-ǵa tómendetu, jyldyq 5% mólsherlememen jeńíldetílgen nesıeleu sıyaqty memlekettík qoldau sharalary kózdelgen.
Bıoaluantúrlílíktí saqtau máseleleríne erekshe kóńíl bólínude. Memleket basshysynyń tapsyrmasyna sáıkes 2024 jyly Kaspıı ıtbalyǵy populyatsıyasyn saqtau maqsatynda aumaǵy 108,6 myń gektardy qūraıtyn «Kaspıı ıtbalyǵy» memlekettík tabıǵı rezervaty qūryldy. Sondaı-aq Atyrau bekíre balyq ósíru zauytyn jańǵyrtu jūmystary júrgízílude, būl bekíre tūqymdas balyq shabaqtaryn shyǵaru kólemín jylyna 5 mıllıonnan 7,5 mıllıonǵa deıín arttyruǵa múmkíndík beredí.
Saladaǵy ınvestıtsıyalyq belsendílíkte oń kórsetkísh kórsetude. 2021–2024 jyldar aralyǵynda akvasharuashylyq salasynda jalpy somasy 21,4 mlrd teńgení qūraıtyn 87 joba íske asyryldy. 2025 jyldyń 11 aıynda balyq sharuashylyǵyn damytuǵa 4,6 mlrd teńge ınvestıtsıya salyndy.
2025 jyly memlekettík tapsyrys ayasynda baǵaly balyq túrleríníń 21,92 mıllıon shabaq ósírílíp, su aıdyndaryna jíberíldí. Memlekettík balyq pıtomnıkterín jańǵyrtu nátıjesínde olardyń óndírístík quatyn jylyna 18,4 mıllıonnan 80,5 mıllıonǵa deıín ūlǵaıtu josparlanyp otyr.
Qabyldanyp jatqan sharalar keshení Qazaqstannyń balyq sharuashylyǵy belsendí árí tūraqty damu kezeńíne ótkenín aıqyn kórsetedí. Memlekettík qoldaudyń kúsheyuí, salany tsıfrlandyru, ınvestıtsıyalardyń tartyluy jáne ınfraqūrylymdy jańǵyrtu óndírís pen óńdeudí arttyruǵa, su ekojúıelerín saqtauǵa jáne halyqty sapaly balyq ónímderímen qamtamasyz etuge berík negíz qalyptastyrady.