Qazaqstannyń ekinshi, álemniń 94-raketkasy Iýlıa Pýtınseva Aýstralıa ashyq chempıonatynyń úshinshi aınalymyna shyqty, - dep habarlaıdy aqshamnews.kz tilshisi.
Qazaqstandyq tenısshi ekinshi aınalymda álemniń 60-raketkasy, fransıalyq Elza Jakemomen oınady.
Birinshi partıada Pýtınseva aıqyn basymdylyq kórsetti – 6:1. Ekinshi sette de sol qarqynynan tanǵan joq – 6:2.
Bir saǵat 14 mınýtqa sozylǵan básekede Pýtınseva 6 breık-poınttyń beseýin múltiksiz paıdalandy. Jakemo 1 eıs, 1 breıkpen (7 breık-poınt) shekteldi.
Iýlıa Pýtınseva tórtinshi aınalymǵa ótý úshin álemdik reıtıńide 112-de turǵan túrkıalyq Zeınep Sonmezben talasady.