Arasynda kámeletke tolmaǵandar da bar.
Ozodı radıosynyń málimetinshe, olar Naýryz meıramy toılanyp jatqan Dýshanbe qalasynda terakt jasaǵysy kelgen, dep habarlaıdy Almaty-akshamy.kz
29 naýryzda «Azıa-Plús» medıa toby men Reuters agenttigi Máskeý oblysyndaǵy «Krokýs Sıtı Hol» konsert ortalyǵyndaǵy teraktige qatysy bar degen kúdikke ilingen 9 adamnyń ustalǵanyn habarlady. Bul málimetke resmı oryndar túsinik berýden bas tartty.
Málimetke qaraǵanda, kúdiktiler – Vahdat, Rogýn men Núrek qalalarynyń turǵyndary. Olardyń bári Naýryz merekesi aldynda ustalǵan. Qamalǵandar arasynda jasy kámeletke tolmaǵandar da bar.
«Terakt 24 naýryzda Dýshanbeniń halqy Naýryz meıramyn qyzý toılap jatqan kezde bolýy kerek edi. Kúdiktiler terakt jasaýǵa barynsha daıyndalan. Olar halyq kóp jınalatyn jerdi tańdap, jarylys jasaǵysy kelgen. Biraq İshki ister mınıstrligi, Memlekettik ulttyq qaýipsizdik komıtetiniń arnaıy jasaǵy teraktiniń aldyn alyp, kúdiktilerdi ustaǵan soń, Naýryz meıramy kelesi kúni atap ótilgen», dep habarlady Ozodı radıosy.
İshki ister mınıstri Ramazon Rahımzodanyń aıtýynsha, byltyrdan beri elde 11 uıymdasqan qylmystyq top pen 55 adam ustalǵan. Olardyń kóbi terakt jasaýǵa kúdikti retinde qolǵa túsken.