Parlament Májilisiniń jalpy otyrysynda depýtat Aıbek Paıaevtiń ókilettigi merziminen buryn toqtatyldy, dep habarlaıdy Almaty-akshamy.kz QazAqparatqa silteme jasap.
«QR Parlamenti Májilisiniń depýtaty Aıbek Paıaev mindetterin atqarýdan óz erkimen bosatý týraly ótinish berdi. Osyǵan oraı QR Ortalyq saılaý komısıasy sizderdiń nazarlaryńyzǵa QR Konstıtýsıanyń 52-babyna, «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsıalyq Zańnyń 24-baby 3 jáne 8-tarmaqtaryna sáıkes, Májilis depýtaty A. Paıaevtiń ótinish berýine baılanysty onyń ókilettiligin merziminen buryn toqtatý týraly máseleni sheshý úshin usynym engizip otyr», - dedi QR Ortalyq saılaý komısıasynyń múshesi Shavhat Ótemisov.
Jalpy otyrysta palata depýtattary atalǵan usynymǵa daýys berip, depýtattyń ókilettigin merziminen buryn toqtatý týraly sheshim qabyldady.
A. Paıaev 2021 jylǵy qańtardan bastap Vİİ saılanǵan Qazaqstan Respýblıkasy Parlamenti Májilisiniń depýtaty boldy. «Qazaqstan halyq partıasynyń» tizimi boıynsha saılanǵan.