25 qazan — Respýblıka kúnin Almatydaǵy Tergeý ızolátorynyń sharýashylyq jasaǵyndaǵy sottalǵandar da kóterińki kóńilmen qarsy aldy.
Tergeý ızolátorynda jazasyn ótep júrgender uıymdastyrǵan keshtiń qonaǵy – 90-shy jyldardyń hıtmeni atanǵan ánshi Parvız Nazarov boldy. Ol óziniń repertýarynan «Kresnaıa mat», «Edý na ıýg», «Atameken» sıaqty ánderin oryndap, sottalǵandardyń kóńilin kóterdi. Sondaı-aq ol sharýashylyq jasaǵyndaǵy sottalǵan mýzykant Baýyrjanmen de birge birneshe án oryndady.
Merekeni №72 mekeme bastyǵy ádilet podpolkovnıgi A.Amanjolov quttyqtaý sózben ashyp, elimizdiń eń basty merekesiniń mańyzyna toqtaldy.
Sottalǵan jandar daıarlaǵan merekelik jıynda oryndalǵan shalqyǵan ánmen birge, ózderiniń júrekterinen shyqqan óleń de oqyldy.
Merekeliń kesh sońynda Almaty qalasy QAJ departamentine qarasty №72 mekemeniń bastyǵy Azamat Jalǵasbaıuly Amanjolov ónerpaz sottalǵandar men ánshi P.Nazarovqa alǵys bildirdi.