Jyl aıaǵyna deıin jalpy quny 2 trln teńge bolatyn 160 joba júzege asyrylady. Bul týraly Memleket basshysy «Altyn sapa» jáne «Paryz» syılyqtarynyń ıegerlerin marapattaý kezinde aıtty, dep habarlaıdy Almaty-akshamy.kz.
«Biz bul konkýrsty jyl saıyn ótkizip, tabysqa jetken kásipkerlerge qurmet kórsetemiz. Sondaı-aq áleýmettik jýapkershilik tanytqan, el ómirine beıjaı qaramaǵan kásiporyndardy marapattaımyz. Osy kúnge deıin elimizdiń 160-tan astam kompanıasy «Altyn» sapa» syılyǵynyń laýreaty atandy. 365 kásiporynǵa «Paryz» syılyǵy tabystaldy. Munyń bári otandyq bıznestiń qarqyndy damyp kele jatqanyn ańǵartady. Jalpy, 2005 jyldan beri shaǵyn jáne orta bıznestiń ishki jalpy ónimdegi úlesi úsh ese ósti. Iaǵnı, ol qazir el ekonomıkasynyń 34 paıyzyna jýyqtady. Búginde osy salada 3,5 mıllıonnan astam adam jumys isteıdi. Bul eńbek etetin halyqtyń 40 paıyzy degen sóz», - dedi Qasym-Jomart Toqaev.
Sondaı-aq, bıyl iske asqan jobalardyń arqasynda 17 myń jańa jumys orny ashylatynyn málim etti.
«Byltyr óńdeý ónerkásibiniń kólemi rekordtyq kórsetkishke – 20 mlrd dollarǵa jetti. Osy jyldyń sońyna deıin jalpy quny 2 trln teńge bolatyn 160 joba júzege asyrylady. Sonyń nátıjesinde 17 myń jańa jumys oryn ashylady», - dedi Memleket basyshsy.