Neırondyq jeliler arqyly aıyna 2-3 mln teńge tabys tabýǵa múmkindik bar
Bul pikirdi jasandy ıntellekt (AI) tehnologıalaryna negizdelgen jobany jasaýshy PostCheetah Mark Gadala-Marıa bólisti. Ol bul týraly óziniń Twitter-degi paraqshasynda jazdy. Tanymal maman JI arqyly aıyna 10 myń AQSH dollaryn tabasyzdar degen pikirde, biz ony sál azaıtyp, 2-3 mln teńge dep joramaldap otyrmyz.
Mark Gadala-Marıa ChatGPT chatboty sıaqty AI negizindegi baǵdarlamalar ınternette aqsha tabýdyń eń ońaı joly dep sanaıdy. Olardy monetızasıalaý nusqalarynyń arasynda ázirleýshi 13 sqemany usynady:
- KİTAP JAZÝ
Jýrnaldar, nusqaýlyqtar, kitaptar jasaý úshin Midjourney jáne ChatGPT neırondyq jelilerin paıdalaný abzal, sodan keıin olardy Amazon.com elektrondy kitap platformasy Kindle Direct Publishing (KDP) saıtynda jarıalaý arqyly monetızasıalaý usynylady. Men ózim dál osy joldy basyp óttim. Eki kitap jazdym. Biri – fantasıkalyq kitap, ekinshisi – balalarǵa arnalǵan qıal-ǵajaıyp ertegisi. Birinshi kitabym qazirgi sátte Amazon platformasynda satylymda tur.
- SIFRLY AGENTTİK QURÝ
Qazir áleýmettik jeli arqyly qyzmetińizdi sata alasyz. Mysaly, neırondyq jeliler logotıpterdi syzyp, tipti áleýmettik jelilerdi iske qosa alady.
- BAǴDARLAMALAÝ
Neırondyq jeliler kodty ózdiginen jaza alady. Ciz mundaı tapsyrystardy frılanserlerge arnalǵan saıttardan taba alasyz. Ol jaqta jaqsy tóleıdi.
- KONSÝLTASIALYQ QYZMETTER
Aqparatty jyldam jınaý jáne taldaý múmkindigi neırondyq jelilerdi paıdalanyp qundy keńester berýge múmkindik beredi. Túrli salalardaǵy keńes berý qyzmetteri - IT-den bastap, zań, web3-ke deıin, qazir menińshe ár saladaǵy ekspertterdi adamdar izdep júredi.
- SAAS QOSYMSHA JASAÝ
Avtor SaaS qosymshalaryn (qyzmet retindegi qyzmet) jasaý arqyly neırondyq jelilerde aqsha tabýdy usynady. Mysaly, AI ártúrli twitter akkaýnttarynyń qatysýyn baǵalaý úshin baǵdarlama jaza alady.
- AÝDITORIANY MONETIZASIALAÝ
JI aýdıtorıany qalyptastyryp, odan keıin aqsha tapqysy keletinderge nemese tabys tabý múmkindikterin arttyrý úshin qaýymdastyqty keńeıtýdi qalaıtyndar úshin qolaıly. Neırondyq jelilerdi jańa paıdalanýshylardy tartatyn jazbalarǵa mazmun josparyn jasaý úshin paıdalanýǵa bolady.
- AQYLY KÝRSTAR JASAÝ
Neırondyq jeliniń kómegimen siz belgili bir adamdar tobyna kerekti kýrstyń tolyq metodologıasyn jasap, keıin ony satý úshin oqý materıaldaryn jasaı alasyz.
- TAÝARLARDY JOBALAÝ JÁNE SATÝ
Taýar satatyn kisiler óz taýarlaryna arnap biregeı dızaındy jasaı alady. Mysaly, belgili bir qalanyń atyn, ortaq urandardy JI arqyly jobalap, fýtbolkalarǵa basyp shyǵarýǵa jáne olardy satýdan aqsha tabýǵa bolady.
- VEB-DIZAIN
Neırondyq jelilerdiń kómegimen siz veb-saıttar men ártúrli platformalar úshin biregeı dızaın jasaı alasyz. Jasandy ıntellekt arqyly qalyptasqan ıdeıalardy satý ońaı. Midjourney, ChatGPT jáne Durable mundaı jumysqa jarap tur.
- YOUTUBE-QA VIDEO JASAÝ
Neırondyq jelilerde aqsha tabý úshin siz belgili aýdıtorıa úshin yqtımal qyzyqty salany tabýyńyz kerek. Sodan keıin ChatGPT arqyly vıdeoǵa senarı jazý kerek. Vıdeonyń ózin jasaýǵa Pictory usynylady.
- AI ARQYLY ART JASAÝ
Neırondyq jeli arqyly jasalǵan keskinderdi, mysaly, NFT jasap nemese ony Etsy sıaqty platformalar arqyly satýǵa bolady.
- KOPIRAITING
Satýǵa arnalǵan (taýarǵa) SEO mazmunyn jasaý úshin ChatGPT jáne PostCheetah sıaqty neırondyq jelilerdi paıdalanýǵa bolady. Mátinderden aqsha tabýǵa kómektesetin platformanyń mysaly retinde Writers Access-ke nazar aýdaryp kórińiz.
- MÝZYKA
Naryqta mýzyka jaza alatyn neırondyq jeliler bar. Mundaı jobanyń biri – Boomy. Onyń kómegimen siz tyńdaýdan paıda tabý úshin biregeı trekterdi jasaı alasyz, sodan keıin olardy Spotify jáne Apple Music sıaqty platformalarǵa júkteı alasyz.
Jalpy, jumys isteımin degen kisige taqyryp kóp. Osylardyń árqaısysynyń artynda mıllıondar aınalyp jatyr.
Aıtpaqshy, meniń kitabym Amazonǵa naýryzda shyqqan, ekinshi kitapty endi qoıamyn. Mátinin jazdyryp qoıǵanmyn. Tek az jumysy qaldy.
«Almaty-akshamý», №86, 20 shilde, 2023 jyl