Daǵdarysqa qarsy sharalar jónindegi jedel shtab agroónerkásiptik keshen máselelerin qarady, dep habarlaıdy Almaty-akshamy.kz QazAqparatqa silteme jasap.
24 naýryzda Nur-Sultanda Premer-Mınıstr Álıhan Smaıylovtyń tóraǵalyǵymen Qazaqstan Respýblıkasy Úkimetiniń janyndaǵy Daǵdarysqa qarsy sharalar jónindegi jedel shtabtyń kezekti otyrysy ótti .
Otyrys aıasynda jedel shtab músheleri QR agroónerkásiptik kesheni (AÓK) salasynyń birqatar shuǵyl ári júıeli máselelerin talqylady, atap aıtsaq:
- kóktemgi egis jumystaryna qosymsha qarajat bólý;
- aýyl sharýashylyǵy óndirisi úshin qajetti taýarlyq-materıaldyq qundylyqtardy jetkizý logıstıkasynyń negizgi problemalary.
Otyrysta qazirgi syrtqy saıası ahýaldyń álem elderimen qatar Qazaqstanda da aýyl sharýashylyǵy taýarlarynyń, onyń ishinde tehnıkanyń, tuqymnyń, genetıkalyq materıaldyń, mıneraldy tyńaıtqyshtardyń jáne t. b. ónimderdiń qymbattaýyna túrtki bolyp otyrǵany atap ótildi.
Premer-Mınıstr Á. Smaıylovtyń tapsyrmasyna sáıkes Aýyl sharýashylyǵy mınıstrligi Indýstrıa jáne ınfraqurylymdyq damý mınıstrligimen birlesip, mıneraldy tyńaıtqyshtardyń baǵasyn tómendetý boıynsha jumys júrgizip jatyr.
Máselen, 16 naýryzdan bastap amıak selıtrasynyń baǵasy tonnasyna 200 myń teńgeden 160 myń teńgege deıin tómendedi.