Kıshınevtegi «Zımbrý» stadıonynda Moldava men Qazaqstan arasyndaǵy alǵashqy mach ótti. Qazaqstan quramasynyń tizginin endi ǵana ustaǵan Andreı Karpovıchtiń debúti sátti ótti, dep habarlaıdy Almaty-akshamy.kz.
Alǵashqy taımda alań ıeleri shabýyldy shabýylǵa ulastyryp, Igor Shaskıhtiń qaqpasyn torýyldaýmen boldy. Bir sátte qazaqstandyq qaqpashy qatelesip, Moldova esepti ashýǵa jaqyn bolǵan. Abyroı bolǵanda, qorǵaýshy Aleksandr Marochkın dopty qaqpa syzyǵynan alyp shyqty.
Degenmen komandalar úziliske keter tusta Moldova alǵa shyqty. Ion Nıkolaeský qazaqstandyqtardyń qorǵanystaǵy qateligin paıdalanyp, gol soqty.
Al ekinshi taımda Karpovıch shákirtteri oıyn taǵdyryn ózgertip jiberdi. Az shabýyldyń birinde qonaqtar standart oryndaýǵa múmkindik alǵan. Ony Qazaqstan sátti paıdalandy. 64-mınýtta Sergeı Malyı baspen dál soqqy jasady.
79-mınýtta Qazaqstan fýtbolshylary alǵa shyqty. Baqtıer Zaınýtdınov sol qanattan sytylyp ótip, qaqpa mańyna qaraı pas asyrǵan, Vácheslav Posmak dopty óz qaqpasyna soǵyp aldy.
Osylaısha, Qazaqstan quramasy syrt alańda 2:1 esebimen jeńiske jetti.
Endi 29 qarashada quramalar «Astana Arenada» kezdesedi. Bul jup arasyndaǵy jeńimpaz Ulttar lıgasynyń C dıvızıonynda qalady.