Almatyda «Jalpyǵa birdeı bilim berý» qorynan 2023 jyly mektep formasy men keńse kerek-jaraqtaryn satyp alý úshin bir balaǵa 43 myń teńge jumsalady eken.
Almaty qalasy bilim basqarmasynyń aqparaty boıynsha, osy qordan HÁOT sanatyndaǵy (halyqtyń áleýmettik osal toptary) 15 myńnan astam oqýshy kómek aldy, dep habarlaıdy almaty-akshamy.kz
Eske salsaq, «Jalpyǵa birdeı bilim berý» qory jergilikti búdjetten qarjylandyrylady.
Osy qordan kómek alýǵa myna sanattaǵylar quqyly:
1) Memlekettik ataýly áleýmettik kómek (budan ári – AÁK) alýǵa quqyǵy bar otbasylardan shyqqan balalar;
2) jan basyna shaqqandaǵy ortasha tabysy eń tómengi kúnkóris deńgeıinen tómen memlekettik AÁK almaıtyn otbasylardan shyqqan balalar;
3) jetim jáne ata-ananyń qamqorlyǵynsyz qalǵan balalar;
4) tótenshe jaǵdaılar nátıjesinde shuǵyl kómekti talap etetin otbasylardan shyqqan balalar;
5) bilim berý uıymynyń alqaly organy aıqyndaıtyn bilim alýshylar men tárbıelenýshilerdiń ózge de sanattary.
Ata-ana, balanyń zańdy ókili materıaldyq kómek alý úshin egov.kz elektrondyq úkimet portaly arqyly nemese halyqty jumyspen qamtý ortalyǵyna ótinim beredi. Basqa jaǵdaılarda-bilim berý uıymyna rastaıtyn qujattardy usyný qajet.
Qarjylyq jáne materıaldyq kómek alýǵa arnalǵan tizim oqý jyly ishinde bir ret jasalady.
Joǵaryda atalǵan sanattarǵa jatpaıtyn oqýshylar «Mektepke jol» respýblıkalyq aksıasy aıasynda demeýshiler men mesenattar esebinen kómek ala alady. Bıyl bul aksıa aǵymdaǵy jyldyń 1 tamyzynda «Jaqsylyq jasa» devıizimen bastalyp, 30 qyrkúıekke deıin jalǵasady.
«Mektepke jol» aksıasyna qatysý úshin oqý orny boıynsha bilim berý uıymyna ótinish berý qajet. Búgingi tańda bilim berý uıymdaryna 500-ge jýyq ótinim berildi.
Demeýshiler, mesenattar jáne balalarǵa kómek kórsetkisi keletin qalanyń barlyq qamqor turǵyndary aýdandyq bilim bólimderine saǵat 9.00-den 18.00-ge deıin habarlasa alady.
Aksıa týraly qosymsha aqparatty kelesi jedel jeli telefondary arqyly bilýge bolady:
- Alataý aýdany boıynsha: +7 708 970 50 42
- Almaly aýdany boıynsha: +7 702 725 33 63
- Áýezov aýdany boıynsha: +7 702 327 36 69
- Bostandyq aýdany boıynsha: +7 777 280 66 50
- Jetisý aýdany boıynsha: +7 708 935 94 98
- Medeý aýdany boıynsha: +7 700 996 56 89
- Naýryzbaı aýdany boıynsha: +7 702 196 68 05
- Túrksib aýdany boıynsha: + 7 701 615 49 78