Almaty turǵyndary qazan aıynyń ár senbisinde «Qyzǵylt qazan» sharasy aıasynda Almaty onkologıalyq ortalyǵynda ótetin ashyq esik kúnine qatysa alady, dep habarlaıdy aqshamnews.kz
İs-sharalar 9:00-13:00 aralyǵynda ótedi jáne sút bezi obyryn erte anyqtaýǵa baǵyttalǵan. Kez kelgen adam mamandardan tegin keńes alyp, tekserýden óte alady.
Aksıanyń maqsaty áıelder arasynda sút bezi qaterli isiginiń aldyn alý úshin turaqty skrınıngtik tekserýdiń mańyzdylyǵy týraly aqparattandyrýdy arttyrý bolyp tabylady, óıtkeni erte dıagnostıka tabysty emdeý múmkindigin aıtarlyqtaı arttyrady.
Sút beziniń qaterli isigi - sút bezi tininde damıtyn qaterli isik.
Almaty onkologıalyq ortalyqtyń onkolog dárigeri Aqerke Obrazbaevanyń aıtýynsha, sút bezi qaterli isigi jasýshalardyń bólinip, baqylaýsyz ósip, isik túze paıda bolady.
Bastapqy kezeńde aýrý sımptomsyz bolýy múmkin, biraq ýaqyt óte kele sút bezindegi túıirshikter, sút beziniń pishini nemese mólsheriniń ózgerýi, emiziktiń tartylýy jáne aǵý sıaqty belgiler paıda bolýy múmkin.
Táýekel faktorlaryna tuqym qýalaýshylyq, jas, gormonaldy ózgerister jáne ómir salty (temeki shegý, semizdik) jatady.
Erte dıagnostıka, turaqty mammografıa jáne sút beziniń ózin-ózi baqylaýy sút bezi qaterli isiginiń aldyn alý jáne sátti emdeýde mańyzdy ról atqarady.
Statısıkaǵa súıensek, 2024 jyldyń nebári 9 aıynda Almaty onkologıalyq dıspanserinde 552 naýqas dıspanserlik esepke alynǵan.
Sút bezi qaterli isiginiń erte dıagnostıkasy ýaqtyly jáne tıimdi medısınalyq kómektiń kilti ekenin este saqtańyz, bul tolyq qalpyna keltirý múmkindigin aıtarlyqtaı arttyrady.