Profesorlardyń kóbi mektepke ketti
1 qyrkúıekten bastap stýdentterdiń, magıstranttar men doktoranttardyń shákirtaqysy ósti. Bul úrdis 2025 jylǵa deıin jalǵaspaq, dep habarlaıdy Almaty-akshamy.kz.
«Osy múmkindikter saqtalady. 2025 jylǵa deıin shákirtaqyny ósiremiz. Kelesi qyrkúıekten bastap taǵy 15%-ke, 20%-ke. Maqsatymyz - oqytýshylarymyzdyń, profesorlarymyzdyń, Ph-doktoranttarymyzdyń, stýdentterimizdiń shákirtaqylaryn ósirip, eńbek naryǵyndaǵy ortasha jáne joǵary deńgeıge keltirý. Nege deseńizder, qazirgi tańda ustazdardyń jalaqylary ósti. Biz sońǵy eki jylda 3 myńnan astam profesorymyzdy joǵaltyp aldyq. Olar mektepterge ketti. Sebebi mektepte jalaqy jaqsy», - dedi Ǵylym jáne joǵary bilim mınıstri Saıasat Nurbek mınıstrliktiń telegram kanalynda.