Qazaqstandyqtar úshin eki tarıf qol jetimdi, dep habarlaıdy aqshamnews.kz
Kompanıa «Starlink tehnologıasy shalǵaı jáne qoljetimdiligi qıyn aımaqtarda da turaqty ınternet qosylýyn qamtamasyz etedi» dep jazǵan óziniń resmı saıtynda.
Qazaqstandyqtar úshin eki tarıf qol jetimdi. Birinshisi úı men ofıske arnalǵan – Residentialtarıfi. Onyń aılyq tólemi 23 myńnan 31 myń teńgege deıin. Qurylǵysynyń baǵasy – 104 myń teńge.
Ekinshisi tarıf – Roam. Bul tarıf saıahatqa arnalǵan. Internet álemniń 100 elinde qol jetimdi bolady.
Munda 50 GB roýmıngti aıyna 26 myń teńgege qosýǵa bolady. Al sheksiz ınternet nusqasyn qosý úshin aıyna 52 myń teńge tóleý qajet. Bul jerde de qurylǵy quny – 104 myń teńge.
Tarıftiń basymdyqtary:
Eldiń kez kelgen jerinde ınternetke qosylý;
Jolda júrip te ǵalamtor múmkindikterin paıdalaný;
Elden tys jerde paıdalaný;
Jaǵalaýlarda ınternetke qosylý;
Qyzmetti ýaqytqa toqtata turý.
Tarıfti qospas buryn, synaq nusqasyn alýǵa bolady. Eger unamasa kompanıa tólemdi qaıtaryp berýge ýáde beredi.
Starlink qosymshalary:
Starlink;
Qýattaǵysh quraly;
Kabel;
Negizgi qurylǵy;
WiFi roýter.
Eger qosymsha kabelder men aksesýarlar qajet bolsa, oǵan qosymsha tapsyrys berýge bolady.
Starlink-ti qoldaný úshin iOS nemese Android-qa arnaıy baǵdarlama ornatý qajet. Osydan keıin «Kedergini tekserý» opsıasyn basyp, aspany ashyq jerdi tańdaý kerek. Starlink qýattaǵyshqa qosylǵanan keıin birer mınýtta ol spýtnıkpen baılanys ornatady.
Starlink Standard Actuated jáne Starlink Performance(Gen 1) spýtnıkti ózdiginen izdep tabady. Bul ýaqytta Starlink-ti óz betińmen ornatýǵa bolmaıdy. Starlink Standard pen StarlinkMini-ge arnaıy qosý quraldary qajet.
Tarıfti qalaı ózgertýge bolady?
Ol úshin Starlink.com saıtyndaǵy jeke kabınetińizge kirip, «jazylymdar» bólimindegi «basqarý» tetigin basyp, «tarıftik jospardy ózgertý» batyrmasyn basý qajet.
Al baǵdarlama nusqasynda «Person» opsıasyna kirip, «jazylymdardy basqarý» bóliminiń ishindegi «tarıftik jospardy ózgertý» batyrmasyn basý kerek.
Starlink-ti qalaı alýǵa bolady?
Kompanıanyń resmı saıtyna kirip tapsyrys berýge bolady. Ol úshin saıttyń basty betiniń sońyndaǵy «Order now» batyrmasyn basý qajet. Saıt avtomatty túrde sizdiń ornalasqan jerińizdi anyqtap, satyp alý bólimine jiberedi. Sol jerge jeke derekterińizdi toltyrasyz. Osydan keıin tapsyrysyńyz 1-2 aptanyń ishinde qolyńyzǵa tıetini jóninde habarlama shyǵady.