Qalada Halyqaralyq jastar kúnine arnalǵan «ALMA LOVE» onkúndigi aıaqtaldy. Almaty ákiminiń qoldaýymen bıyl festıvál jańa formatta uıymdastyryldy. Bul týraly qalalyq Jastar saıasaty basqarmasy habarlady.
Balýan Sholaq atyndaǵy sport saraıynda ótken grand-fınalǵa 5 myńnan astam adam qatysty. Almatylyq jastar «Birlik, tazalyq jáne jaýapkershilik» urany aıasynda biriktirdi. Festıvál jastardyń azamattyq ustanymy men ortaq qundylyqtarǵa beriktigin kórsetti.
On kún ishinde qala aýdandarynda, ákimdiktiń jobalyq keńsesiniń qoldaýymen, ekologıalyq chellendjder, «Jastar Talks» shabyt beretin kezdesýler, kvestter, bı saıystary, áleýmettik jobalar kórmesi jáne Jaıdarman oıyndary ótti. İs-sharalar 30 myńnan astam adamdy qamtydy.
«Bıylǵy ALMA LOVE onkúndigi jastardyń áleýetin ashýǵa jáne shyǵarmashylyq ıdeıalaryn iske asyrýǵa baǵyttalǵan erekshe joba. 10 kún boıy almatylyq jastar túrli is-sharalarǵa qatysty. Bir festıvál aıasynda mundaı aýqymdy joba alǵash ret qolǵa alyndy. Jastar Almatynyń damýy men jańarýyna serpin beretin kúsh. Biz olardyń bastamalaryn árdaıym qoldaımyz», – dedi Almaty qalasy ákiminiń orynbasary Azamat Qaldybekov.
Grand-fınalda qala damýyna úles qosqan jas kóshbasshylar men eriktilerge Almaty ákimi atynan alǵys hattar tabystaldy.
«Festıvál joǵary deńgeıde ótti. Bul aýqymdy sharanyń bir bóligi bolǵanyma qýanyshtymyn. Qoldaý bildirgenderdiń bárine alǵys aıtamyn. Almatyny birge taza ustaıyq», – dedi «Vırýs jobasy» ekologıalyq bastamasynyń jetekshisi, erikti Dýlat Nábıev.
Gala-konsertte qazaqstandyq estrada juldyzdary Dosekesh, Nurbolat Qanaı, Erkesh Hasen, Yenlik óner kórsetti. Al keshtiń hedlaıneri – Qaırat Nurtac.