«Bul nátıje óte mańyzdy: ol kompúterlik tomografıany tek kómekshi retinde ǵana emes, sonymen qatar sot-medısınalyq zertteýlerdiń balama ádisi retinde de qoldanýǵa bolatyndyǵyn kórsetedi. Vırtýaldy aýtopsıa qorytyndylardyń obektıvtiligi men senimdiligin saqtaı otyryp, eń az aralasýmen taldaýdy qamtamasyz etedi. Bul, ásirese, dástúrli aýtopsıany júrgizý qıyn nemese áleýmettik turǵydan qajet bolǵan jaǵdaılarda óte mańyzdy», – dedi spıker.
Ol pılottyq joba boıynsha jumys jalǵasyp jatqanyn atap ótti. Keıin oń nátıje bolǵan jáne tıisti jabdyqty satyp alǵan jaǵdaıda, búkil respýblıka boıynsha masshtabtaý josparlanýda.
Baqytjan Baıtilesov halyqqa arnalǵan sıfrlyq servısterdi damytý boıynsha aqparatpen bólisti. Aqyly qyzmet kórsetýdiń elektrondyq júıesi onlaın-formatta ózara is-qımyldyń tolyq sıklin qamtamasyz etetindeı qylyp qurylǵan: elektrondyq ótinim berýden jáne qyzmet qunyn esepteýdi alýdan bastap elektrondyq sıfrlyq qoltańbany paıdalana otyryp shart jasasýǵa deıin. Qazirgi ýaqytta ol testileý jáne bank qyzmetterimen ıntegrasıalaý kezeńinen ótip jatyr, bul tólemdi halyq arasynda neǵurlym suranysqa ıe platformalar arqyly júzege asyrýǵa múmkindik beredi.
«Aqyly qyzmetter týraly aıta otyryp, Sot saraptamalary ortalyǵy jeke jáne zańdy tulǵalar úshin arnaıy zertteýlerdi taǵaıyndaý jáne sarapshyny maman retinde tartý boıynsha konsýltasıadan bastap 58 ataý boıynsha arnaıy zertteýler júrgizýge deıin aqyly qyzmetterdiń keń spektrin júzege asyratynyn atap ótkim keledi», — dep tolyqtyrdy ol.