Sot Qazaqstannyń tuńǵysh prezıdenti Nursultan Nazarbaevtyń nemere inisi Qaırat Satybaldyny shartty túrde merziminen buryn bosatýdan bas tartty.
Sottalǵan Qaırat Satybaldynyń bas bostandyǵynan aıyrý túrindegi jazany bas bostandyǵyn shekteýge aýystyrý týraly ótinishin qanaǵattandyrylmady, – dep habarlady Shyǵys Qazaqstan oblystyq sotynyń baspasóz qyzmeti.
Aıta keteıik, 2022 jyldyń 26 qyrkúıeginde Astana qalasy Baıqońyr aýdanynyń №2 soty Qaırat Satybaldyny 6 jylǵa bas bostandyǵynan aıyrdy.
Satybaldyǵa Qylmystyq kodekstiń eki baby «aldaý nemese senimge qıanat jasaý jolymen múliktik zalal keltirý», «senip tapsyrylǵan bóten múlikti ıemdený nemese talan-tarajǵa salý» baptary boıynsha aıyp taǵylǵan bolatyn. Ol proses barysynda taǵylǵan aıypty moıyndady.
Sondaı-aq Satybaldy 10 jyl boıy memlekettik qyzmette jumys isteı almaıdy. Ol «Qurmet» pen «Parasat» ordenderinen aıyryldy.
Ol jazasyn Shyǵys Qazaqstanda ornalasqan OV-156/20 kolonıasynda ótep jatyr.