– Biz ómirimizde talaı saılaýdy ótkerdik. Osynyń ishinde halyqtyń ózi qulshynyp umtylǵan, dúrligip aralasqan saılaýdy kórmedik. Óıtkeni saılaý qoǵamnyń demokratıalyq aınasyn kórsetedi. Saılaý qalaı bolsa – qoǵam solaı. Qazirgi tańda demokratıalyq baǵytqa qaraı bet burǵandyqtan, halyqta úlken úmit pen senim paıda boldy. Iaǵnı, osy kezeńde óziniń Konstıtýsıalyq quqyǵyn shyn máninde seziný baıqalady. Al buryn keńes zamanynda ony aýyzsha aıtatyn. Biraq onyń jalǵan ekeni belgili bolyp turatyn. Halyqty ylǵı da jalǵan urandarǵa sendirip, daýys bergizip qoıatyn.
Memleket basshysynyń bastamasymen ótkizilip jatqan reformalyq ózgerister halyqqa senim týdyra bastady. Minekeı, bul saılaýdyń ereksheligi – osy. Sondyqtan da saılaýǵa kelip, óz tańdaýyn jasap jatyr. Ózim de №301 ýchaske arqyly tańdaýymdy jasaǵan jaǵdaıym bar.
Úmitimiz zor. Tańdaǵan kandıdattar Parlament minberinen bizdiń sózimizdi aıtady dep senemin. Túıindep aıtqanda, alǵa qoıǵan maqsat-murattarymyz oryndala bersin.