WhatsApp-ta qazaqstandyqtarǵa tólenetin tólemder týraly feık aqparat taratylýda, dep habarlaıdy Almaty-akshamy.kz.
Stopfake.kz-tiń habarlaýynsha, dál osyndaı aqparat 2022 jyldyń jeltoqsanynda bolǵan. Biraq onda Parlament saılaýy emes, 2022 jylǵy 20 qarashada ótken kezekten tys Prezıdent saılaýy týraly jazyldy. Saılanǵannan keıin Qasym-Jomart Toqaev «193817 lv» mólsherindegi tólemder jasaıtyny týraly jarıa etildi.
Shyn máninde, Qazaqstannyń árbir azamatyna tólem jasaý baǵdarlamasy týraly sol kezde de, qazir de aıtylyp jatqan joq.
Sonymen qatar, taratylymda soma «lv» belgisimen kórsetilgen. Bul qazaqstandyq teńgeniń emes, lev – bolgar valútasynyń belgisi.
Tólemdi resmı ınternet-resýrstan emes, worldcup-a2.buzz saıtynan alý kerek. Basty bettiń ortasynda ornalasqan túımeni basý arqyly tólemdi alýǵa bolady eken.
Alaıda, ony basqannan keıin paıdalanýshy arnaıy jolǵa «uıaly telefon» nómirin engizýi kerek.
Osylaı resimdelgen jáne mazmuny bar saıttar memlekettik organdarǵa tıesili emestigi jáne naqty memlekettik baǵdarlamalarǵa janama bolsyn qatysy joq ekeni anyq.
Qoryta aıtqanda, bul aqparat – paıdalanýshylardyń jeke derekterin osylaı jınaıtyn alaıaqtardyń isi. Jelide mundaı aıla-amaldarǵa tap bolmaýdyń joldary týraly biz buǵan deıin aıtylyp, jazylyp júr.
