Taraz qalasyndaǵy «Ońtústik» óńirlikqolbasshylyǵyna qarasty 5513 áskerı bóliminde qatardaǵy Nurdáýlet Jalıev qyzmet atqarady. Ol áskerge sanaly túrde, naqty maqsatpen keldi. Onyń bala kezden bergiarmany - mýzyka áleminde óz ornyn taýyp, áskerı orkestr quramynda óner kórsetý.
Ónerge degen qushtarlyq Nurdáýletti erte jastan jeteledi. Mektep qabyrǵasynan bastap olkópshilik aldynda án aıtyp, baıan aspabynda erkin oınady. Kópbalaly otbasynda tárbıelengen onyń boıynda jaýapkershilik jáne tabandylyq sekildi qasıetter qalyptasty. Abaı atyndaǵy Jambyl gýmanıtarlyq joǵary kolejin támamdaǵan soń, onyń aldynda eki tańdaý turdy. Biri – mýzyka pániniń muǵalimi retinde eńbek etý. Ekinshisi – bala kúngi armanynan bas tartpaı, dara jol salý. Nurdáýlet júregi qalaǵan baǵytty tańdady. Arman jolynda ol tynymsyz eńbektenip, kásibı turǵyda damyp, áskerı orkestrge qabyldaný úshin qajetti qujattardy jınady. Alaıda oǵan ózarmanyna jetý jolynda áskerı bıletiniń bolmaýy kedergi boldy. Bul jaǵdaı jas mýzykanttyń jigerin jasytpady. 21 jasynda ol áskerge barý jóninde sheshim qabyldap, maqsatyna bir qadam jaqyndaı tústi.
Ata-anasy ulynyń bolashaǵyna qatysty tańdaýyn qoldady. Sebebi ózderi de shyǵarmashyl jandar bul sheshimniń "jeti ret ólshep, bir ret kesilgenin" túsindi. Merzimdi áskerı qyzmettegi alty aıda qatardaǵy Jalıev ózin jaýapty ári tártipti áskerı qyzmetshi retinde kórsetti jáne kelisimshart negizinde qyzmetin jalǵastyrý quqyǵyna ıe boldy. Áskerı bólimniń tabaldyryǵyn attaǵannan bastap bólim komandırleri Nurdáýlettiń áskerı orkestrdeóner kórsetýge degen nıetin bildi. Onyń talaby, tártibi men qyzmetke degen jaýapkershiligi nazardan tys qalǵan joq. Qazirgi ýaqytta qatardaǵy Nurdáýlet Jalıev5513 áskerı bóliminiń orkestri quramynda óner kórsetip júr. Ol jańa mýzykalyq aspaptardy meńgerip, kásibı sheberligin arttyryp, shyǵarmashylyq turǵyda damýyn jalǵastyrypjatyr. Armanǵa jetý úshin ár adam tabandylyqtanytyp, kezdesken qıyndyqtardy eńserý qajet. Alaıda keı jaǵdaıda jalǵyz jigerdiń ózi jetkiliksiz bolyp, armanyn oryndaý úshin múmkindik syılaıtyn orta kerek bolady. Nurdáýlet úshin dál osyndaı múmkindik, armanyn júzege asyrýǵa jol ashatyn orta Ulttyq ulandaǵy merzimdi áskerı qyzmetten tabyldy.