Oljas Bektenov otandyq óndirýshilerdi qoldaý sharalaryn kúsheıtý jóninde keńes ótkizdi
Premer-mınıstr Oljas Bektenov Memleket basshysynyń tapsyrmasy boıynsha otandyq kásipkerlerge arnalǵan memlekettik qoldaý sharalarynyń ashyqtyǵy men tıimdiligin arttyrý máselesin talqylaý maqsatynda jumys keńesin ótkizdi.
Negizgi maqsat — memlekettik satyp alýlar men qoldaý sharalaryna basym qoljetimdilik alatyn kásiporyndardy sanattarǵa bólý ádistemesin sıfrlandyrý. Bul memlekettik qoldaý alǵan kásiporyndardyń mindettemelerin naqtylaýǵa múmkindik beredi. Sondaı-aq ónimniń sapasy, óndiristi lokalızasıalaý, qazaqstandyq qamtý úlesi men kásiporynnyń aımaq pen el ekonomıkasyna qosqan úlesi eskeriledi. Sıfrlyq format jemqorlyq táýekelderin tómendetip, adamı faktordyń áserin joıady.
Qazirgi tańda Úkimet memlekettik qoldaý sharalarynyń ónerkásip salasyn damytýǵa áserin keń kólemde taldap jatyr. Jańa aqparattyq platforma kásipkerlik belsendilikti qoldaý sharalaryn alǵanǵa deıingi jáne keıingi dınamıkada kórsetedi.
Platformada otandyq kásiporyndar týraly málimetter, óndiristik júktemeleri, ónim túrleri, syrtqy saýda qyzmeti, qyzmetkerler sany, sondaı-aq uzaq merzimdi kelisimsharttar týraly aqparat saqtalady. Bul júıe memlekettik organdarǵa proaktıvti túrde monıtorıń júrgizýge, taldaý jasaýǵa jáne bızneske qoldaý kórsetý úshin sheshim qabyldaýǵa kómektesedi.
Ónerkásip jáne qurylys mınıstri Qanat Sharlapaev platformanyń 2 myńnan astam kásiporynnyń derekter bazasyn qamtıtynyn, sondaı-aq retteletin satyp alýlar sýbektileriniń málimetterin qamtıtynyn habarlady. Bul baza jer qoınaýyn paıdalanýshylar men bıznes arasyndaǵy uzaq merzimdi sharttar týraly aqparatpen tolyqtyrylǵan.
Smart Data Ukimet negizinde qurylǵan bul platforma ártúrli aqparattyq júıelerden alynǵan málimetterdi biriktirip, júıeleýdi qamtamasyz etedi. Ol Qarjy, Eńbek jáne áleýmettik qorǵaý mınıstrlikteriniń, SK-Farmasıa, «Samuryq-Qazyna Kelisimshart», Mitwork jáne NadLock júıelerimen tolyq ıntegrasıalanǵan. Sonymen qatar «Damý» kásipkerlikti damytý qory men «Báıterek» holdıńiniń qoldaý sharalary týraly málimetter júktelgen. Aqparat avtomatty túrde jańartylyp otyrady.
Sıfrlyq damý, ınovasıalar jáne aeroǵarysh ónerkásibi, densaýlyq saqtaý jáne Qarjy mınıstrlikteriniń ókilderi platformany toltyrý jáne qoldaný boıynsha atqarylǵan jumystardy baıandady.