Shymkentte denesi qoqystan tabylǵan Dıana Ońǵarbaevanyń isi sotta qarala bastady, - dep habarlaıdy aqshamnews.kz tilshisi.
Alǵashqy proseste prokýror qandy qylmystyń jaı-japsaryn baıandady. Memlekettik aıyptaýshynyń aıtýynsha, 26 jastaǵy kelinshekti mektep oqýshysy pyshaqtap, máıitin qorlaǵan.
"Kámeletke tolmaǵan sottalýshy Anar ólgen adamnyń máıitin qorlap, qylmysty qasaqana jasaǵan. Anar óziniń qylmystyq áreketin ári qaraı jalǵastyryp, jábirlenýshi Ońǵarbaevanyń astynyń shalbarynyń oń qaltasynan samsýng uıaly telefonyn jymqyryp jasaǵan qylmystyq is-áreketin jasyrý maqsatynda máıitin qara tústi polıtetılen paketke orap turǵyn úı aýlasynda turǵan qurlys arbasyna salyp, qoqys jáshiginiń janyna aparyp tastaǵan", - dedi memlekettik aıyptaýshy Nurjigit Ermentaı.
Tergeý dereginshe, kúdikke ilingen 11 synyptyń oqýshysy jazǵy demalysta qalaǵa nápaqa tabý úshin kelipti. Sóıtip qurylys istep jatqan baspanada jalǵyz qalyp, áleýmettik jeliden úı tazalaýshyny izdep tabady.
Sumdyqtyń bári Dıana Ońǵarbaeva jumysyn bitken soń bastalypty. Kelinshek kelisken 15 myń teńgeni suraǵanda aıyptalýshy oǵan pyshaq suǵyp, keıin jansyz denesin qorlaǵan deıdi prokýror.
Eske salaıyq, tamyzda Shymkenttegi qoqys jáshiginen eki balasy bar áıeldiń máıiti tabylǵan edi. 26 jastaǵy turǵynnyń súıegin qoqys tazalaıtyn jumysshylar baıqaǵan. Joǵalǵan Dıananyń denesi sol aýmaqta 10 kún boıy jatqan eken. Etegi jasqa tolǵan marqumnyń anasy tergeýshiler iske nemquraıly qaramaǵanda qyzymnyń denesi ýaqyty tabylatyn edi dep otyr.
"Bala Qasqasý balasy degennen keıin Qasqasýdyń bárin izdedik. Tappadyq. Sonda Qarataý RÝVD neleri de izdedik izdedik dep izdemegen. Men 28 kúni jazam aryz 29 Astanaǵa jazam sodan keıin telefony tabylady. 31 qyzym tabylady mýsordan. Sonda mılısıalar qaıda júrdi izdemeı. Mojet izdep tapqandaı bundaı bolmaıtyn edi ǵoı. Bulaı qorlanyp ólmeıtin edi ǵoı", - dedi marqumnyń anasy Qarlyǵash Ońǵarbaeva.