Almatydaǵy "Shymbulaq" taý-shańǵy kýrortynda aspaly joldyń isten shyǵýyna baılanysty adamdar kabına ishinde qalyp qoıdy, dep habarlaıdy Aqshamnews.kz tilshisi TJM baspasóz qyzmetine silteme jasap.
Mınıstrliktiń málimetinshe, teńiz deńgeıinen 3200 metr bıiktikte ornalasqan "Kombı-2" aspaly joly aıaq asty toqtap qalǵan.
Qutqarý jumystaryna Almaty qalasy TJD mamandary, TJM qutqarý qyzmeti jáne kýrort qyzmetkerleri jumyldyryldy. Nátıjesinde:
-
kabınalarda qalyp qoıǵan 21 adam álpınısik qural-jabdyqpen jerge túsirildi;
-
Talǵar asýynda qalǵan 100 adam qaýipsiz jerge evakýasıalandy.
Kýrort ákimshiligi qonaqtarǵa ystyq sýsyn usynyp, jylynatyn oryndarmen qamtamasyz etti.
"Zardap shekkender joq. Aspaly jol ýaqytsha jumys istemeıdi, qalpyna keltirý jumystary júrip jatyr", – delingen mınıstrlik habarlamasynda.