Aqorda baspasóz qyzmetí Qazaqstan halqyna Joldau barysynda Prezıdent Qasym-Jomart Toqaevtyń qazaqstandyq áıelderge qatysty aıtqan sózíníń mánín keńínen túsíndírdí, dep habarlaıdy Aqshamnews.kz.
Baspasóz qyzmetí atap ótkendeı, Joldau ayasynda memleket basshysy kóptegen mańyzdy máselelerdí qozǵady.
"Ásírese memlekettílíktíń írgelí negízí retínde "Zań jáne Tártíp" qaǵıdatyn saqtauǵa erekshe nazar audaryldy", – delíngen habarlamada.
Prezıdent joldauda "Ókíníshke qaraı, qoǵamdyq tártíptí būzushylar arasynda áıelder de bar" dep aıtqan edí. Búgín Aqorda osy sózge túsíníkteme berdí.
Olardyń málímetínshe, būl sózdíń negízgí mání múlde basqasha.
"Būl kíná taǵu emes, kez kelgen adamǵa, jynysyna, jasyna nemese tegíne qaramastan, qoǵamymyzǵa syılastyq mádenıetín qaıtaruǵa, dórekílík pen agressıyadan bas tartuǵa shaqyru. Kóshe, kezek, temírjol, ūshaq jáne basqa da oryndarda bír-bíríne qūrmetsízdík kórsetken jaǵdaılarǵa kuá bolamyz, bíraq olar bízdíń mentalıtettíń bólígíne aınalmauǵa tıís", – dedí Aqorda.