Qazgıdromet sınoptıkteri 13 tamyz, jeksenbige arnalǵan aýa raıy boljamyn jarıalady.
Búgin Soltústik-batys antısıklony Qazaqstannyń batys jartysyndaǵy aýa raıyna áser etedi. Sondyqtan onda jaýyn-shashyn bolmaıdy.
Al shyǵys jartysyna áli de ońtústik sıklon men atmosferalyq fronttar yqpal etedi.
Saldarynan naızaǵaı oınap, jańbyr jaýady, eldiń soltústik-shyǵysynda, shyǵysynda, ońtústik-shyǵysynda qatty jańbyr, burshaq jaýyp, daýyl turady.
Respýblıka boıynsha ekpindi jel boljanady. QR soltústiginde, soltústik-batysynda túngi jáne tańerteńgi saǵatta tuman túsedi.
Kúndiz Atyraý oblysynyń ońtústik-batysynda 41°S qatty ystyq saqtalady.
Kúndiz Mańǵystaý oblysynda, Batys Qazaqstan oblysynyń ońtústik-batysynda 37-40°S qatty ystyq saqtalady.
Atyraý, Mańǵystaý, Jambyl, Qyzylorda oblystarynda, ońtústiginde, Aqtóbe qalasynyń ortalyǵynda, Qostanaıdyń ońtústiginde, Qaraǵandy qalasynyń ortalyǵynda, Almatynyń soltústiginde, shyǵysynda, Túrkistannyń soltústiginde, batysynda, ońtústiginde, shóldi aýdandarynda, batysynda, ońtústik-shyǵysynda, Batys Qazaqstan oblysynyń ortalyǵynda, Aqmola oblysynyń batysynda tótenshe órt qaýpi bar.
Batys Qazaqstan oblysynyń basym bóliginde, Soltústik Qazaqstan oblysynyń batysynda, Abaı oblysynyń soltústik-batysynda, Jetisý oblysynyń ońtústiginde, batysynda órt qaýpi joǵary