Sarapshylar apat saldary ondaǵan jyldarǵa sozylatynyn aıtady.
Shrı-Lankada jaǵalaý mańynda hımıalyq zattar tıelgen keme órtenip, batyp ketkennen keıin júzdegen teńiz janýarlarynyń óleksesi tabyldy, dep habarlaıdy Almaty-akshamy.kz BBC saıtyna silteme jasap.
Úndistannyń Hazıra portynan shyqqan, Sıngapýrde tirkelgen «Ekspress Perl» konteıner kemesi Shrı-Lankanyń astanasy Kolombo jaǵalaýyna qonǵan kezde apatqa ushyraı bastaǵan. Keme 20 mamyrda órtenip, maýsym aıynyń basynda batyp ketken.
Alaıda ekologtar apattyń bar aýqymy endi ǵana aıqyndala bastaǵanyn aıtady.
Kolombo jaǵajaıynan 176 óli tasbaqanyń, 20 delfınniń, tórt kıt pen sansyz balyqtyń qaldyqtary tabylǵan.
Shrı-Lankanyń Qorshaǵan ortany qorǵaý mınıstri Mahında Amaraveeranyń aıtýynsha, janýarlardyń ólimi keme apatyna baılanysty boldy.
«Kemede 190-nan astam konteıner bolǵan, onyń basym kópshiligi plasmassadan jasalǵan zattar», - dedi mınıstr.
«Ekspress Perl» kemesi 270 tonnadan astam mazýt, 50 tonna dızel jáne 25 tonna azot qyshqylyn jáne de basqa hımıalyq zattardy tasymaldaǵan. Jergilikti ekologtar Shrı-Lankanyń sýy «hımıalyq sorpaǵa» aınaldy dep málimdedi. Sarapshylar apat saldary ondaǵan jyldarǵa sozylatynyn eskertti.
