Shyǵys Qazaqstanda kámeletke tolmaǵan qyz mysyqtardy qatyryp, keıin olardy baýyzdaǵan. Bul áreketti ol áleýmettik jelide tanymal bolý úshin jasaǵan, - dep habarlaıdy Aqshamnews.kz tilshisi Ýstınka LIVE-qa silteme jasap.
20 shildede bolǵan oqıǵa jurttyń ashýyn týǵyzdy.
Portal málimetinshe, vıdeony túsirgen qyz nebári 17 jasta. Ol Rıdder turǵyny bolýy múmkin. Kadrda ol bylapyt sóz aıtyp, kúlip, mysyqtyń aýyr ári semiz bolǵanyn aıtyp máz bolady.
"Qazir mynaý erıdi, sosyn bólshektep, sýretke túsirip, ony taratamyn", – deıdi qyz vıdeoda.
Áleýmettik jeli qoldanýshylary bul áreketti qatań synap, qyzdy jaýapqa tartýdy talap etti.
Shyǵys Qazaqstan oblystyq polısıa departamenti bul jaǵdaıǵa qatysty pikir bildirdi.
"Bul derek boıynsha 17 jastaǵy kámeletke tolmaǵan qyz anyqtalyp, ata-anasymen birge polısıaǵa jetkizildi. Qazir bul is boıynsha tekserý júrip jatyr. Qyzǵa jáne onyń zańdy ókilderine túsindirme jumystary júrgizilip, qoldanystaǵy zańnama talaptary men jaýapkershilik týraly aıtyldy", – dep habarlady polısıa departamentiniń baspasóz qyzmeti.
İs materıaldary odan ári qaraý jáne tıisti sharalar qabyldaý úshin kámeletke tolmaǵandardyń quqyqtaryn qorǵaý jónindegi komısıaǵa jiberiledi.
Aıta keteıik, polıseıler qyzdy bir táýlik boıy izdegen. Sebebi ol Rıdderden basqa qalaǵa qonys aýdaryp úlgergen.