Brıtan ǵalymdary ekpe alǵan adamdarǵa qaraǵanda, koronavırýs juqtyrǵannan keıin bolatyn tromboz qaýpi joǵaryraq ekenin málimdedi
Brıtandyq ǵalymdardyń málimdeýinshe, koronavırýspen aýyrǵannan keıin bolatyn qannyń uıýynyń paıda bolý qaýpi vaksınalaýdan keıingi trombozǵa qaraǵanda joǵary dep málimdedi. Bul týraly British Medical Journal jýrnalynda jarıalanǵan, dep habarlaıdy Almaty-akshamy.kz.
Ulybrıtanıanyń birqatar ýnıversıtetteriniń ǵalymdary koronavırýstyq vaksınasıa men trombosıtopenıanyń paıda bolýy (trombosıtter sanynyń tómendeýi) men tromboembolıanyń arasyndaǵy baılanysty taldaý úshin zertteý júrgizdi Anglıadaǵy eresekter arasynda zertteý júrgizgen.
Zertteýshiler 2020 jyldyń 1 jeltoqsanynan 2021 jyldyń 24 sáýirine deıin AstraZeneca nemese Pfizer/BioNTech preparatynyń birinshi komponentin ektirgen 30 mıllıonǵa jýyq adamnyń derekterin paıdalanǵan.
Nátıjesinde ǵalymdar AstraZeneca ekpesin alǵannan keıingi 28 kún ishinde venozdyq tromboembolıa 10 mıllıon adamnyń ishinde tek 66 adamnan anyqtalǵan. Al koronavırýspen naýqastanǵandarda 10 mıllıon adamnyń ishinde 12 614 adamda qannyń uıý oqıǵalary tirkelgen. Al ıshemıalyq ınsýlt Pfizer/BioNTech vaksınasyn alǵanda 10 mln adamnyń ishinde 143 adamda kezdesse, koronavırýs juqtyrǵandarda 10 mıllıon adamnyń ishinen 1699 oqıǵa anyqtalǵan.
Zertteýshiler AstraZeneca jáne Pfizer/BioNTech vaksınasynan keıin biraz ýaqyttan keıin gematologıalyq jáne tamyrly asqynýlardan bolatyn qaýiptiń joǵary bolýynan aýrýhanaǵa jatqyzýǵa jáne tipti ólimge ákeldi degen qorytyndyǵa keldi. Alaıda, koronavırýspen aýyratyn halyq arasynda mundaı asqynýlardyń paıda bolý qaýpi vaksınalanǵan adamdarmen salystyrǵanda edáýir joǵary.