Qasym-Jomart Toqaev Ózbekstan Prezıdenti Shavkat Mırzıóevpen telefon arqyly sóılesti
Ózbekstan Prezıdenti Tarazda bolǵan jarylysqa baılanysty Qazaqstan Prezıdenti men halqyna kóńil aıtty, dep habarlaıdy almaty-akshamy.kz Aqorda saıtyna silteme jasap.
Ózbek tarapynyń bastamasymen Memleket basshysy Qasym-Jomart Toqaev Ózbekstan Prezıdenti Shavkat Mırzıóevpen telefon arqyly sóılesti.
Ózbekstan basshysy Jambyl oblysynda bolǵan qaıǵyly da tótenshe oqıǵaǵa baılanysty Qazaqstan Prezıdenti men halqyna kóńil aıtty. Shavkat Mırzıóev qaıtys bolǵan azamattardyń otbasylaryna qoldaýy men jubatý sózderin jetkizýdi surap, zardap shekkenderdiń saýyǵyp ketýine tilektestik bildirdi.
Áńgimelesý barysynda taraptar Aýǵanstandaǵy qazirgi jaǵdaıǵa qatysty pikir almasty.
Memleketter basshylary ekijaqty jáne kópjaqty deńgeıde tyǵyz baılanystardy nyǵaıtý baǵytyndaǵy jumystardy jalǵastyra berýge múddeli ekenderin naqtylady.