Atyraýda Bereke yqshamaýdany, № 24 úıde er adamnyń súıegi tabyldy. Turǵyndardyń aıtýynsha, máıittiń páterde jatqanyna 21 kún ótken. Al onyń ólgeni týraly týysqany izdep kelgende belgili bolǵan, - dep habarlaıdy aqshamnews.kz tilshisi.
Osyǵan deıin dálizde qańsyq ıis turdy, áli de ketpeı tur, sińip qalǵan. Súıek tabylǵannan keıin turǵyndar óz kúshimen tazaldap, retke keltirgen, biraq ıis sonda da ketpeı tur.
"Iis búkil podezdi alyp ketti. Biz óz kúshimizben adam jaldap, tazalap, hlor, "Belıznamen" jýdyq. Sonda da ıis ketpeı tur. Biz mamany bolmaǵasyn, ne qoldanǵan durysyn bilmeımiz", - deıdi kórshilerdiń biri.
Turǵyndardyń aıtýynsha, oqıǵadan keıin sanıtarıalyq-epıdemıologıalyq qyzmetter nemese mamandandyrylǵan uıymdar oqıǵa ornyna kelmegen, resmı dezınfeksıa júrgizilmegen.
Turǵyndar mundaı jaǵdaılardan keıin dáliz ben páterdi sanıtarıalyq óńdeýge kim jaýapty - páter ıeleri kooperatıvi me, álde menshik ıeleri birlestigi me, bolmasa sanıtarıalyq qyzmet pen basqa ýákiletti organdar ma dep suraıdy.