Elorda turǵyny birneshe ret alaıaqtyq jasaǵany úshin sottaldy, - dep habarlaıdy aqshamnews.kz tilshisi.
Alaıaq jábirlenýshilerdi sheteldegi qatynastary týraly jalǵan aqparatqa sendire otyryp, avtokólik satyp alýǵa nıet bildirgen azamattarǵa aldyn ala tolyq tólem jasaǵan jaǵdaıda olarǵa Ońtústik Koreıadan tıimdi baǵamen avtokólikke tapsyrys berýdi usynǵan.
Alaıda jábirlenýshilerge berilgen kólikter buryn avtokólikti jalǵa berý kompanıalaryna sottalǵanǵa ýaqytsha paıdalanýǵa berilgendigi anyqtaldy.
Máselen, alaıaq jábirlenýshiden 4 kólikti jetkizý úshin 14,5 mln teńge alǵan, al kólikterdi resmı túrde tirkeý aldaǵy ýaqytqa boljanǵan. Bul rette sottalǵan qylmystyq áreketterin jasyrý maqsatynda kólikterdi jalǵa alý aqysyn engizip júrgen.
Sottalǵannyń alaıaqtyq áreketterinen 70-ten asa tulǵa zardap shekti, jalpy shyǵyn 420 mln teńge boldy. Sotta prokýrorlarmen qylmyskerdiń ózine júktelgen mindetterdi oryndaýǵa naqty múmkindigi bolmaǵanyn, qylmystyq nıetin oryndaý maqsatynda avtokólikterdi jalǵa berý shartyn jasasyp, urlanǵan aqshalaı qarajatty óziniń jeke maqsattaryna paıdalanǵany dáleldendi.
Sottalǵan óz kinásin tolyq moıyndady. Sotpen qylmyskerge 6 jyl 8 aıǵa bas bostandyǵynan aıyrý jazasy taǵaıyndaldy.
Jábirlenýshilerdiń azamattyq talaptary qanaǵattandyryldy. Elorda prokýratýrasy belgili bir qyzmetterdi kórsetý quqyǵyn rastaıtyn qujattary joq tulǵalarmen mámileler jasaýdan bas tartýǵa keńes beredi.
Shetelden kólik ákelemin dep ýáde bergen: Elordada áıel birneshe ret alaıaqtyq jasaǵany úshin sottaldy
- 11:17, 18 qarasha 2025
depositphotos.com