Zań jobasy Palatanyń qaraýyna jiberildi
Senator Dáýren Ádilbekovtyń tóraǵalyq etýimen Ekonomıkalyq saıasat, ınovasıalyq damý jáne kásipkerlik komıtetiniń keńeıtilgen otyrysy boldy, dep habarlaıdy Almaty-akshamy.kz.
Onda senatorlar «Eýrazıalyq ekonomıkalyq odaqtyń tehnıkalyq reglamentteri talaptarynyń saqtalýyna memlekettik baqylaýdy (qadaǵalaýdy) Eýrazıalyq ekonomıkalyq odaqqa múshe memleketterdiń kórsetilgen saladaǵy zańnamasyn úılestirý maqsatynda júzege asyrý qaǵıdattary men tásilderi týraly kelisimdi ratıfıkasıalaý týraly» zań jobasyn qarady.
Qujat Odaqqa múshe memleketter aýmaqtaryndaǵy tehnıkalyq reglamentterdiń talaptaryna sáıkes kelmeıtin ónimdi anyqtaý jónindegi memlekettik baqylaý organdarynyń ózara is-qımylyn retteıdi. Bul – tıisti organǵa qujattyń qoldanylýyn toqtata turý nemese toqtatý qajettigi týraly uıǵarym jasaýǵa sheshim qabyldaý úshin de mańyzdy. Sonymen qatar, kelisim erejeleri Odaqtyń tehnıkalyq reglamentteriniń talaptaryna sáıkes kelmeıtin ónimderdiń múshe memleketterdiń aýmaqtarynda aınalymǵa shyǵýyn boldyrmaýǵa baǵyttalǵan.
Zań jobasy Palatanyń qaraýyna jiberildi.