QR Parlamenti Senatynyń jańa quramyna úsh áıel kirdi. Bul týraly QR Ortalyq saılaý komısıasy tóraǵasynyń orynbasary Kostantın Petrov aıtty, dep habarlaıdy Almaty-akshamy.kz.
«Saılanǵan 20 depýtattyń úsheýi – áıel, 17-si er adam. Ortasha jasy – 53,8 jas. Saılanǵan barlyq 20 depýtattyń da ulty qazaq», - dedi Konstantın Petrov búgin Ortalyq saılaý komısıasynyń otyrysynda.
Sonymen qatar ol jańa saılanǵan depýtattardyń buǵan deıin qandaı qyzmette istegendikterin de atap ótti.
«Saılanǵan depýtattardyń ishinde Senattyń qazirgi tórt depýtaty, oblystyq máslıhattardyń bes hatshysy, oblys ákimderiniń tórt orynbasary, eki aýdan ákimi, ortalyq memlekettik organdardyń eki qyzmetkeri, bir oqý ornynyń basshysy, bir oblystyq basqarmanyń basshysy jáne aksıonerlik qoǵamnyń bir ókili bar. 20 mandatpen Senat quramynyń jańarýy 80 paıyzdy quraıdy», - dedi OSK tóraǵasynyń orynbasary.