Adamnyń tabıǵatqa áseri barǵan saıyn joıqyndala túsip otyrǵan qazirgi álemde IýNESKO biregeı mádenı jáne tabıǵı murasy bar erekshe geoparkter qurýda. Al óziniń baı tabıǵı jáne mádenı ártúrliligimen tanymal bolyp otyrǵan Qazaqstan osy tabıǵı resýrstardy saqtaý jónindegi halyqaralyq bastamaǵa belsendi túrde qatysýda, dep habarlaıdy aqshamnews.kz
Osy úderistegi taǵy bir qadam – Sátbaev ýnıversıtetinde ótken «IýNESKO geoparkteri turaqty damý jáne yntymaqtastyq úshin» atty halyqaralyq geoforým boldy, ol BUU men IýNESKO-nyń demeýshiligimen ótti. Forýmǵa mádenı jáne tabıǵı murany saqtaý salasynda jumys isteıtin ártúrli elderdiń mamandary, Qazaqstannyń ýnıversıtetteri men ulttyq saıabaqtarynyń ókilderi jınalyp, dúnıe júzindegi keremet ásem tabıǵı oryndardy damytý jóninde turaqty damytý baǵdarlamasy aldynda turǵan syn-qaterlerge qarsy tájirıbelerimen jáne mindetterimen bólisti.
Búgingi tańda IýNESKO-nyń jahandyq geoparkter baǵdarlamasy 48 eldegi 190-nan astam nysandy qamtıdy. «Geopark Aral» Qazaqstan boıynsha osy baǵdarlamadaǵy alǵashqy geopark bolady. Onyń negizin qalaýshy – Araldy qutqarý jónindegi halyqaralyq qory.
İs-shara Sátbaev ýnıversıtetiniń qoldaýymen, QR-nyń IýNESKO jáne ISESK isteri jónindegi Ulttyq komısıasynyń bas hatshysy Janar Shaımenovanyń, Qyzylorda oblysy ákiminiń orynbasary Ardaq Zebeshevtiń, Qazan federaldy ýnıversıtetiniń ókilderi jáne «Iangan-Taý» geoparki jobalaý tobynyń, sondaı-aq halyqaralyq sarapshylardyń qatysýymen ótti.
Bul geoforým geoparkterdi zańnamalyq retteýdiń mańyzdy máselelerin, ǵylymı-zertteý quzyrettilikterin jáne turaqty damýdy qalyptastyrýdaǵy geoparkterdiń rólin talqylaýda, sondaı-aq geoparkterdi qurý boıynsha tájirıbe almasýǵa jáne tabıǵı murany saqtaý salasy boıynsha halyqaralyq sarapshylardy oqytýǵa arnalǵan ǵylymı-saraptamalyq alań rólin atqardy.
Sátbaev ýnıversıteti úshin forým turaqtylyq qaǵıdattaryna negizdelgen jobalardy qurý jáne júzege asyrý boıynsha jınaqtalǵan tájirıbemen almasýdyń taǵy bir múmkindigi boldy. Jumys sesıalary men ekijaqty keńester barysynda zamanaýı ýnıversıtet jumysyndaǵy jahandyq kún tártibin engizýdegi qıyndyqtardy eńserý joldary, jobalyq táýekelderdi taldaý ádisteri jáne jahandyq bastamalardy júzege asyrýǵa qaýymdastyqtardy tartý máseleleri talqylandy. Kezdesýler nátıjesinde Sátbaev ýnıversıtetiniń Turaqty damý jónindegi jobalyq keńsesiniń ókilderi yntymaqtastyq qarym-qatynasty jalǵastyrýǵa jáne Qazan men Bashqurtstan ýnıversıtetteri úshin keńeıtilgen vebınar uıymdastyrýǵa kelisti.