Almatyda dóńgelek ústel ótti, onda kólik salasyndaǵy sarapshylarǵa, ýrbanısterge jáne BAQ-qa Raıymbek dańǵyly boıynsha Pýshkın kóshesinen Seıfýllın dańǵylyna deıingi BRT dáliziniń birinshi ýchaskesiniń jobasy usynyldy, dep habarlaıdy Aqshamnews.kz
«Almatybasjospar» basshysy Asqat Sádýovtyń aıtýynsha, jumystar «qasbetten qasbetke deıin» qaǵıdaty boıynsha júrgiziletin bolady, ıaǵnı joldyń qurylysy ǵana emes, sonymen qatar trotýarlardy, úı mańyndaǵy aýmaqtardy abattandyrý, kógaldandyrý. Jobanyń memlekettik saraptamasy shilde aıynyń ortasynda ǵana aıaqtaldy. Ekinshi ýchaske boıynsha - Seıfýllın dańǵylynan Ahrımenko kóshesine deıin jobalaý jumystary qyrkúıek aıynda aıaqtalady dep kútilýde.
Osylaısha, qurylys jumystarynyń bastalýy kúzge týra keledi. Alaıda, jınalǵan sarapshylar aýqymdy jobany birneshe kezeńge bólip, joldyń tikeleı qurylysyn kóktemgi kezeńge keıinge qaldyrýdy usyndy.
«Elestetip kórińizshi, 1 qyrkúıekte barlyǵy mektepke barady, tipti jóndeý jumystary bolmasa da, qala kepteliste qalady, sodan keıin Raıymbek dańǵyly sıaqty magıstral bar. Men kúzde joldy jaýyp tastaýdy durys dep sanamaımyn, ol jerde qar jaýýy múmkin, nátıjesinde bári kelesi jylǵa deıin toqtaıdy. Sondyqtan qoǵamnan úndeýin kúteıik,asyqpaıyq. Qala basshylyǵynyń bizdi tyńdaýyn, joldardaǵy keptelis azaıǵan kezde jumystyń bastalǵanyn qalaımyz», - dedi «Jalpy jol» Jol qozǵalysy qaýipsizdigi qaýymdastyǵy» qoǵamdyq birlestiginiń prezıdenti Arsen Shakýov.
Ol sondaı-aq Almatyda joldardyń ótkizý qabiletine júkteme túsiretin ınjenerlik jelilerdi qaıta qurý boıynsha júrgizilip jatqan aýqymdy jumystardy atap ótti. Tek «Almaty jylý jelileri» JSHS jelisi boıynsha megapolıste bıyl 20 km qubyr qaıta jańartylady, bul jyl saıynǵy kórsetkishterden eki ese kóp. Sarapshynyń pikirinshe, kúzgi kezeńde Raıymbek dańǵylynyń jabylýy da shıeleniske ákelýi múmkin.
«Meniń bilýimshe, barlyq qubyrlar 1970-80 jyldardaǵy óte eski. Qysta jylýsyz qalǵannan góri, olardy qazir aýystyrǵan durys. Bul durys jáne bul jumys kóleminiń ulǵaıýymen de basymdyqqa ıe», - dep qosty sarapshy.
Talqylaý qorytyndysy boıynsha saraptamalyq qoǵamdastyqtyń usynystary men usynymdaryn eskere otyryp, kelesi jyldyń sáýir aıynda joba boıynsha qurylys-montajdaý jumystaryn bastaý týraly sheshim qabyldandy.
«Kúzde biz BRT dáliziniń birinshi kezeńiniń eki ýchaskesine, ıaǵnı Pýshkın kóshesinen Seıfýllın dańǵylyna deıin jáne Seıfýllın dańǵylynan Ahrımenko kóshesine deıin merdigerlik uıymdy anyqtaý boıynsha konkýrs jarıalaýdy josparlap otyrmyz. Aǵymdaǵy jyly ınjenerlik jelilerdi qaıta qurý, osti bólý sıaqty daıyndyq jumystaryn bastaımyz jáne «Saıahat» aýdanynda iri aıaldama keshenderiniń qurylysyn aıaqtaımyz. Al negizgi qurylys-montaj jumystaryn birden eki ýchaske boıynsha kelesi qurylys maýsymynan bastaımyz», - dep qorytyndylady qalalyq mobıldilik basqarmasynyń basshysy Saǵyndyq Telibaev.