Qalada otbasy-tūrmystyq qatynastar salasyndaǵy qūqyq būzushylyqtardyń aldyn alu jáne profılaktıkalyq esepte tūrǵan adamdardy baqylau maqsatynda "Tūrǵyn úı" jedel aldyn alu ís-sharasy ótkízíldí, dep habarlaıdy aqshamnews.kz.
Polisia.kz málímetínshe, ís-shara barysynda uchaskelík polıtsıya ınspektorlary íshkí íster organdarynda kelesí sanattar boıynsha esepte tūrǵan azamattardyń tūrǵylyqty mekenjaılaryn tekserdí: qorǵau ūıǵarymy, erekshe talaptar, maskúnem, nashaqor, qolaısyz otbasy.
-Ís-sharanyń maqsaty – qaıtalama jáne tūrmystyq zorlyq-zombylyqtyń aldyn alu, sondaı-aq ómírlík qıyn jaǵdaıǵa tap bolǵan otbasylarǵa maqsatty kómek kórsetu. Polıtsıya qyzmetkeríníń basty míndetí - qūqyq būzushylyqtyń aldyn alu, – dedí Almaty qalasy PD jergílíktí polıtsıya qyzmetí basqarmasy bastyǵynyń orynbasary Aıtan Eleusízov.
Tekseru barysynda qalanyń shaǵyn audandarynyń bírínde polıtsıya qyzmetkerlerí alkogoldík íshímdíktí júıelí túrde asyra paıdalanu jáne qorǵanu ūıǵarymynyń sharttaryn būzǵany úshín esepte tūrǵan azamatpen profılaktıkalyq áńgíme júrgízdí. Oǵan zańnamadaǵy ózgeríster men tūrmystyq qūqyq būzushylyqtardyń saldary túsíndíríldí. Sondaı-aq basqa bír esepte tūrǵan adamnyń erekshe talaptardy būzǵany anyqtalyp, oǵan qatysty sot 10 táulíkke ákímshílík qamau túríndegí jaza taǵaıyndady. Otbasy-tūrmystyq janjaldardyń aldyn alu jáne qauípsízdíktí qamtamasyz etu jūmystary jalǵasatyn bolady.