2030 jylǵa deıín Qazaqstanda segíz mamandyq tolyqtaı joıyluy nemese būl salalarda jūmys kúshíníń kúrt qysqaruy múmkín, dep habarlaıdy aqshamnews.kz.
Būl turaly ÍMES unıversıtetíníń ekonomıka jáne basqaru kafedrasynyń dotsentí Lyuza Baıguzına málímdedí.
Joıyluy yqtımal mamandyqtar tízímíne mynalar kíredí:
- Koll-ortalyq operatory;
- Kassır;
- Qoıma qyzmetkerí;
- Baspahana jūmysshysy;
- Eskírgen tehnıkany jóndeıtín mehanık;
- Agrarlyq sektor mamandary;
- Buhgalter;
- Jurnalıst.
Nelíkten būl mamandyqtar joıyluy múmkín?
Sarapshynyń aıtuynsha, alǵashqy úsh mamandyq – koll-ortalyq operatory, kassır jáne qoıma qyzmetkerí – avtomattandyru men jasandy ıntellekt sıyaqty tehnologıyalardyń damuy nátıjesínde ózektílígín joǵaltady.
Búgínde kóptegen qyzmet túrlerí avtomatty júıelermen almastyrylyp jatyr. Būl úrdís bolashaqta tek kúsheıe túsedí, – dedí Baıguzına.
Baspahana jūmysshylary men eskí tehnıkany jóndeıtín mamandar da qıyndyqqa tap boluy múmkín. Sebebí óndírístík salalar jańa tehnologıyalarǵa kóshíp jatyr, al eskí jabdyqtardy qoldanu barǵan saıyn azayuda.
Auyl sharuashylyǵyna qatysty da ózgeríster kútílude. Fermerlík pen agrotehnologıyalardyń damuy nátıjesínde dástúrlí auyl sharuashylyǵy ádísteríne sūranys azayady.
Buhgalterıya salasynda da eleulí ózgeríster oryn alady. Qazírgí tańda kóptegen esep júrgízu protsesín arnaıy baǵdarlamalar men avtomattandyrylǵan júıeler atqara alady. Būl ásírese tómen bílíktí buhgalterlerge qatysty.
Jurnalıstıka salasy da tsıfrlyq transformatsıyadan tys qalmaıdy. BAQ-tyń onlaın platformaǵa kóshuí men derekterdí óńdeudíń zamanauı ádísteríníń paıda boluy dástúrlí jurnalıstıkaǵa degen sūranysty tómendetuí múmkín.
Sırek kezdesetín mamandyq – joǵary jalaqy kepílí emes
Ekonomıstíń aıtuynsha, keıbír mamandyqtardyń sırek kezdesuí olardyń joǵary jalaqymen qamtamasyz etíletínín bíldírmeıdí. Eger mamandyq sırek bolsa, bíraq joǵary bílíktílík talap etpese, jalaqy deńgeıí ózgermeuí múmkín.
Alaıda jasandy ıntellekt, bıoınjenerıya syndy salalarda jūmys ísteıtín joǵary bílíktí mamandar úshín eńbekaqy joǵary bolyp qala beredí. Baıguzına atap ótkendeı, zamanauı naryq talaptaryna sáıkes arnaıy bílím men daǵdyny qajet etetín kásípter bolashaqta asa sūranysqa ıe jáne joǵary baǵalanatyn bolady.