Zańger Aıgúl Orynbek aıtysker aqyn Aınur Tursynbaevanyń qoryn tekserýdi talap etti, - dep habarlaıdy Aqshamnews.kz tilshisi.
Bul týraly ol áleýmettik jelidegi paraqshasynda jazdy.
"Aıdyń nury" qory dál Perızattyń qory sıaqty muqıat tekserilýi kerek dep talap etemin! Qandy Qańtar oqıǵasynyń aldynda halyqtan aıamaı aqsha jınaldy. Al Qańtardan keıin meniń teksersin degen suranysymmen keıin artynsha qor jabyla saldy. Bul - úlken kúdik týdyrady", - deıdi ol.
Zańgerdiń aıtýynsha, elde sany kóp, sapasy joq, baqylaýsyz qor jeterlik.
"Keıbir ákimder men sheneýnikter tipti kásipkerlerden “zańdy túrde” aqsha jınaý úshin arnaıy qor ashyp alǵan. Iaǵnı parany aınalyp ótip, qor arqyly alady. Qaıyrymdylyqty jeleý etken jalǵan qorlardy jabatyn ýaqyt keldi! Memleket qarapaıym halyqtyń senimin paıdalanyp, aqsha jymqyrýǵa jol berip otyrǵandarǵa naqty shara qoldanýǵa tıis!" - dedi ol.
Eske salaıyq, aıtysker aqyn Aınur Tursynbaeva 2020 jyly Aidyn Nury qaıyrymdylyq qoryn ashqan edi. Keıin ol Qańtar oqıǵasynan keıin taratylǵan.
"Bısmıllá dep "Aidyn Nury qaıyrymdylyq qory" ashyldy…Endi osy qor boıynsha kóp túkirse kól demekshi aı saıyn bir otbasyna baspana alyp berip otyrsaq jaqsy ǵoı… Qaıyrymdylyq-adam janynyń nury…" - dep jazǵan edi Aınur Tursynbaeva 5 jyl buryn.