Búgingi saılaý burynǵydan ózgeshe. Shymyldyǵy tańǵy saǵat 7.00-de ashylǵan saılaý alǵash ret bir mınýt únsizdikpen, ıaǵnı qaza tapqan kenshilerdi eske alýmen bastaldy.
Dál qazir №36 gımnazıa aýmaǵynda eki saılaý ýchaskesi jumys istep tur. Daýys berýge kelgen turǵyndarǵa bári túsinikti bolýy úshin jerde belgiler qoıylǵan.
«Biz úshin árbir turǵyn mańyzdy. Ásirese, saılaýda zeınetkerler belsendilik tanytýda. Olar qashanda bárimizge úlgi bolýǵa daıyn burynǵynyń adamdary. Jas býyn da kelip jatyr. Bul bizdiń bolashaǵymyzdyń senimdi qolda ekenin bildiredi dep oılaımyn», - dedi №86 saılaý ýchaskesiniń tóraǵasy Serik Serkishbaev.
Osy saılaý ýchaskesine kórshiles ornalasqan №90 saılaý ýchaskesinde de saılaýshylardy kútip alyp jatyr.
«Biz saılaýǵa shaqyrý qaǵazyn barlyǵyna jeke taratýǵa, qoldaryna ustatýǵa tyrystyq. Sondyqtan bolar, saılaýshylardyń belsendiligi joǵary. Daýys berýge aǵa býyn, orta býyn jáne jastar da kóptep kelip jatyr», - deıdi №90 saılaý ýchaskesiniń tóraǵasy Aqmaral Aksýshkova.
Eske sala keteıik, dál qazir Almatyda №4 birmandattyq aýmaqtyq saılaý okrýgi boıynsha shyǵyp qalǵannyń ornyna Almaty qalasy máslıhaty depýtatyn saılaý naýqany júrip jatyr. Qalada barlyǵy 42 saılaý ýchaskesi ashylǵan.