Bizdiń baıqaýshylar eshbir zań buzýshylyq tirkegen joq. Halyq óz erkimen kelip, tańdaý jasady - pikir
Saılaý kúni 3643 baıqaýshy jumys istese, sonyń 190-y – shetten kelgender boldy, dep habarlaıdy Almaty-akshamy.kz QazAqparatqa silteme jasap.
«Partıalyq emes baqylaý ortalyǵy» RQB SQO fılıaly tóraǵasy Janat Muhametjanovtyń aıtýynsha, birlestiktiń baıqaýshylary saılaý ýchaskeleri ashylǵan sátinen bastap jabylǵansha jumys istedi. Olar óńirdegi 640 ýchaskeniń 628-in qamtydy, saıası naýqannyń ótý barysyn baıqady.
«Bizdiń baıqaýshylar eshbir zań buzýshylyq tirkegen joq. Halyq óz erkimen kelip, tańdaý jasady. Halyq bul kúndi mereke retinde sezinip, jaqsy kóńil-kúımen qabyldady. Ár saılaý ýchaskesinde shaǵyn jármeńke, býfet uıymdastyrylǵan eken. Jalpy, saılaý zańǵa sáıkes ótti. Biz, negizi - táýelsiz baıqaýshylarmyz. Bul kúni úsh aýysym boıynsha jumys istedik», - dedi Janat Muhametjanov.
SQO-da saılaýdyń ádil ótýin 3 643 baıqaýshy baqylady. Olardyń 190-y – halyqaralyq baıqaýshy. Sondaı-aq 2 myńy partıalyq emes uıymdardyń atynan tirkelgen. Olar daýys berý aıaqtalǵannan keıin búletenderdi sanaýǵa qatysty.
«Saılaýdyń qalaı ótip jatqanyn, talaptar saqtaldy ma, saılaýshylardyń quqyǵy buzylǵan joq pa, sony baqyladyq. Biz eshqandaı kemshilikterdi kórgen joqpyz. Saılaý ýchaskelerinde úgit materıaldary bolǵan joq», - dedi baıqaýshy Beıbit Ábilev.
Jalpy, SQO-da 640 saılaý ýchaskesi jumys istedi. Tizim boıynsha 386 myń saılaýshy boldy. QR Ortalyq saılaý komısıasynyń azamattardyń kelýi týraly aldyn ala aqpary boıynsha óńir turǵyndarynyń 79,01 % daýys berdi.